ಶಾಸಕೆ ಅಶೋಕ್ ರೈಕ್ಲೆಗ್ ದೆಲ್ಲಿರ್ದ್ ಲೆಪ್ಪು!! ಸಚಿವೆರಾಪೆರಾ ಪುತ್ತೂರ್‌ದ ಶಾಸಕೆರ್?

Last updated on June 19th, 2026 at 11:58 am

ಪುತ್ತೂರ್, ಜೂ. 19: ಡಿಕೆಶಿ ಸಚಿವ ಸಂಪುಟೊಡು ಅಶೋಕ್ ರೈಕುಲೆಗ್ ಸಚಿವ ಸ್ಥಾನ ತಿಕ್ಕುಂಡು ಪನ್ಪಿ ಪಾತೆರ ಸಿಎಂ ಪ್ರಮಾಣವಚನೊದ ಪೊರ್ತುಡು ಕೇನ್ದ್ ಬರೊಂದಿತ್ತ್ಂಡ್. ಆಂಡ ಸುರುತ ಸುತ್ತುದ ಪಟ್ಟಿಡ್ ರೈಕ್ಲೆನ ಪುದರ್ ಇಜ್ಜಂಡ್, ಆ ಪೊರ್ತುಡು ರೈಕ್ಲೆಗ್ ಸಚಿವ ಸ್ಥಾನ ತಿಕ್ಕಡ್ ಪನ್ದ್ ಮಾತ ಧರ್ಮೊದಕುಲ್ಲಾ ಅಕಲಕಲೆನ ದೇವೆರೆಡ ನಟ್ಟ್‌ದಿತ್ತೆರ್.

ರಡ್ಡನೇ ಸುತ್ತುದ ಸಂಪುಟ ನನ ಒಂತೆ ದಿನೊಟೇ ಆಪುಂಡು. ಈ ನಡುಟು ಶಾಸಕೆರೆಗ್ ದೆಲ್ಲಿರ್ದ್ ಲೆಪ್ಪು ಬೈದ್ಂಡ್. ಇನಿ, ಶುಕ್ರವಾರ ಶಾಸಕೆರ್ ದೆಲ್ಲಿಗ್ ಪೋತೆರ್. ಹೈಕಮಾಂಡ್ ದಾದ ಮಲ್ಪುಂಡಾ ಗೊತ್ತುಜ್ಜಿ, ಆಂಡ ಅಶೋಕ್ ರೈಕುಲು ಮಾತ್ರ ಸಚಿವ ಸ್ಥಾನೊಗು ಏರ್ಯೆರ ನನ ಒಂಜೇ ಮೊಟ್ಟು ಬಾಕಿ ಪನ್ದ್ ಕೆಲವೆರ್ ಪನೊಂದುಲ್ಲೆರ್.

ರೈಕುಲು ಸಚಿವೆರಾಯೆರ್ನ್ಡ ಪುತ್ತೂರ್ ಮಾತಾ ರೀತಿಡ್ ಅಭಿವೃದ್ಧಿ ಆಪುಂಡು, ಒಂಜಿ ವರ್ಸೊದುಲಯಿ ಮೆಡಿಕಲ್ ಕಾಲೇಜ್‌ಲಾ ಆಪುಂಡು ಪನ್ದ್ ಜನ ಪಾತೆರೊಂದುಲ್ಲೆರ್.