Last updated on June 20th, 2026 at 06:14 am
ಕಾಪು, ಜೂ. 20: ಸಾದಿ ಕಡತೊಂದಿತ್ತಿನ ಪೊಂಜೊವುಗು ಎಕ್ಸ್ ಪ್ರೆಸ್ ಬಸ್ ಎಡ್ತ್ದ್ ಅಲ್ಪನೇ ತೀರ್ದಿನ ನಡಪು ರಾಷ್ಟ್ರೀಯ ಪೆರ್ಸಾದಿ 66ತ ಪಾಂಗಾಳಡ್ ಕೋಡೆ, ಶುಕ್ರವಾರ ರಾತ್ರೆ ನಡತ್ದ್ಂಡ್.
ಸಿಂಡಿಕೇಟ್ ಬ್ಯಾಂಕ್ಡ್ ಬೇಲೆ ಮಲ್ತೊಂದಿತ್ತ್ದ್ ಇತ್ತೆ ರಿಟೈರ್ಡ್ ಆತಿನ ಶ್ರೀಮತಿ ಭಟ್ (73) ತೀರ್ದಿನಾರ್.
ಪಾಂಗಾಳ ಬೊಕ್ಕ ಕಾಪುಡ್ ಇಲ್ಲ್ ಇತ್ತಿನ ಆರ್ ಕಾಪುರ್ದ್ ಪಾಂಗಾಳಗ್ ಬತ್ತ್ದ್, ಅಲ್ಪ ಪೇರ್ ಗೆತೊಂದು, ಇಲ್ಲಗ್ ಪೋಯೆರ ಸಾದಿ ಕಡಪುನ ಪೊರ್ತುಡು ಒಡಿಪುರ್ದ್ ಕುಡ್ಲಗ್ ಪೋವೊಂದಿತ್ತಿನ ಭಾರತಿ ಎಕ್ಸ್ಪ್ರೆಸ್ ಬಸ್ ಎಡ್ತ್ದ್ಂಡ್.
ಬಸ್ ಎಡ್ತಿನ ಬರಸ್ಗ್ ಪೊಂಜೊವು ಸಾದಿಗ್ ರಟ್ಟ್ದ್, ತರೆಕ್ ಗಾತಿದ ಗಡಿ ಆತ್ಂಡ್. ಪಾಕ ನೆತ್ತೆರ್ ಪೋದು ಅಲ್ಪನೇ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ಬೊಕ್ಕ ಕಾಪು ಪ್ರಾಥಮಿಕ ಆರೋಗ್ಯ ಕೇಂದ್ರೊದ ಅಂಬುಲೆನ್ಸ್ಡ್ ಶವಾಗಾರೊಗು ಕಡಪುಡ್ದೆರ್.
ಕಾಪು ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತಿತ್ತ್ದ್, ಪ್ರಕರಣ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.
ತೀರ್ದಿನ ಪೊಂಜೊವುನ ಕಂಡನೆಲಾ ಕೆಲ ವರ್ಸೊಗು ದುಂಬು ಉದಿಯಾರ್ ಸಂಕೊದ ಕೈತಲ್ ಆಕ್ಸಿಡೆಂಟ್ಡ್ ತೀರ್ದಿತ್ತ್ದ್, ಒರಿ ಮಗಲೆನ್ ಅಗತ್ದೆರ್.