Last updated on June 22nd, 2026 at 11:06 am
ಕುಡ್ಲ, ಜೂ. 22: ಪೇಂಟೆದ ಎಕ್ಕೂರು ರಾಷ್ಟ್ರೀಯ ಪೆರ್ಸಾದಿ 66ತ ರೈಲ್ವೆ ಮಿತ್ತಸಂಕೊಡು ಪೋವೊಂದಿತ್ತಿನ ಲಾರಿದ ಪಿರವು ಮೆಯಿಕ್ ಬೈಕ್ ಎಡ್ತಿನೆರ್ದಾವರ, ಜವನೆ ಒರಿ ಅಲ್ಪನೇ ತೀರ್ದಿನ ನಡಕೆ ಜೂನ್ 21 ತಾನಿ ನಡತ್ದ್ಂಡ್.
ತೀರ್ದಿನ ಜವನನ್ ಮಂಜೇಶ್ವರದ ಪಾನತ್ತೂರ್ದ ಸುಧೀಶ್ ಸಿ.ಕೆ.(26) ಪನ್ದ್ ಗುರ್ತ ಪತ್ತ್ದೆರ್. ಮೇರ್ ಎಸಿ ಮೆಕ್ಯಾನಿಕ್ ಆದ್ ಬೇಲೆ ಮಲ್ತೊಂದಿತ್ತೆರ್. ಐತಾರ ಕಾಂಡೆ ಸುಧೀಶ್ ಮೇರ್ ಆರೆನ ಇಲ್ಲರ್ದ್ ಬೇಲೆಗ್ ಪೇಂಟೆದಂಚಿ ಬನ್ನಗ ಈ ನಡಪು ನಡತ್ದ್ಂಡ್. ಲೆಕ್ಕೊರ್ದೆಚ್ಚ ಬೀಸ ಪೋತಿನೇ ಎಡ್ಪೆರ ಮಲ್ಲ ನೆವನ ಆದುಪ್ಪು ಪನ್ದ್ ಪೊಲೀಸೆರೆ ಪ್ರಾಥಮಿಕ ಜಡ್ತೆಡ್ ತೆರಿದ್ ಬೈದ್ಂಡ್.
ಇತ್ತೆ ತಿಕ್ಕ್ದಿನ ಒಲವುದ ಪ್ರಕಾರ, ಎಕ್ಕೂರು ರೈಲ್ವೆ ಮಿತ್ತಸಂಕೊಡು ಸುಧೀಶ್ ಬುಡೊಂದಿತ್ತಿನ ಬೈಕ್, ಆರೆನ ಎದುರುಡೆ ಪೋವೊಂದಿತ್ತಿನ ಲಾರಿದ ಪಿರವು ಮೆಯಿಕ್ ಜೋರುಡೆ ಎಡ್ತ್ದ್, ಸುಧೀಶ್ ರೆನ ತರೆಕ್ ಗಾತಿದ ಗಡಿಕುಲಾತ. ಕೈತಲ್ ಇತ್ತಿನಕುಲು ಅಪಗನೇ ಆರೆನ್ ಕೈತಲ್ದ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಪಾಕ ನೆತ್ತೆರ್ ಪೋದು ಮರ್ದ್ ಪಲಿಪಂದೆ ಆರ್ ತೀರ್ದೆರ್.
ನಡಪುಗು ಸಂಬಂಧಿತ್ದ್ ತೆನ್ಕಾಯಿ ಕುಡ್ಲ ಸಂಚಾರ ಪೊಲೀಸ್ ಸ್ಟೇಶನ್ದ ಸಿಬ್ಬಂದಿ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದ್, ಪ್ರಕರಣ ದಾಕಲ್ತೊಂದೆರ್.