Last updated on June 24th, 2026 at 02:51 pm
ಒಡಿಪು, ಜೂ. 24: ಶಿವಮೊಗ್ಗರ್ದ್ ಬರೊಂದಿತ್ತಿನ ಪ್ರೈವೇಟ್ ಬಸ್ಸ್ಡ್ ಇತ್ತಿನಾರೆಗ್ ಒರಿಯಗ್ ಪರ್ಕಳ ದಲ್ಪ ಒರರ್ದ್ ಒರಾನೆ ಉಸಾರ್ ತತ್ತ್ದಿತ್ತ್ದ್, ಆರೆನ್ ಅಪಗನೇ ಬಸ್ಡ್ ಬೇತೆ ಜನ ಇಪ್ಪುನಗನೇ ಬಸ್ಡೇ ಆಸ್ಪತ್ರೆಗ್ ಲೆತೊಂದು ಪೋದು ದಾಕಲ್ತ್ದ್ ಡ್ರೈವರ್ ಜೂವ ಒರಿತ್ದೆರ್.
ಉಸಾರ್ ತತ್ತಿನಾರೆನ ಪರಿಸ್ಥಿತಿದ ಗಾತಿನ್ ತೂದು ಬಸ್ ಡ್ರೈವರ್ ಮಂಜುನಾಥ್ ಅಪಗನೇ ಬಸ್ನ್ ಸೀದಾ ಮಣಿಪಾಲದ ಪ್ರೈವೇಟ್ ಆಸ್ಪತ್ರೆದ ತುರ್ತು ವಿಭಾಗೊಗು ಲೆತೊಂದು ಪೋದು ಅಡ್ಮಿಟ್ ಮಲ್ಪಾದೆರ್. ಡಾಕ್ಟರ್ನಕುಲು ಬೋಡಾಪಿನ ಮರ್ದ್ ಮಲ್ತ್ದೆರ್, ಇತ್ತೆ ಆಂಜೊವು ಉಸಾರಾವೊಂದುಲ್ಲೆರ್ ಪನ್ದ್ ವರದಿ ಆತ್ಂಡ್.
“ಕೋಡೆ ಶಿವಮೊಗ್ಗರ್ದ್ ಒಡಿಪುಗು ಬನ್ನಗ, ಒರಿ ಉಸಾರ್ ತತ್ತ್ದೆರ್ ಪನ್ದ್ ಕಂಡಕ್ಟರ್ ಎಂಕ್ ಪನ್ಡೆರ್. ಯಾನ್ MIT ದಲ್ಪ ಬಸ್ ಉಂತಾದ್ ಆರೆನ್ ತೂನಗ ಆರೆಗ್ ಹಾರ್ಟ್ ಅಟ್ಯಾಕ್ದ ಲಕ್ಷಣೊಲು ತೋಜಿದ್ ಬರೊಂದುಪ್ಪುನ ತೆರಿಂಡ್. ಆರೆನ ಮೆಯಿ ಚೌಲಿ ಏರ್ದಿತ್ತ್ಂಡ್, ಆರ್ ಬೆಗರೊಂದಿತ್ತೆರ್. ಯಾನ್ ಬಸ್ಡ್ ಇತ್ತಿನ ಬೇತೆಕ್ಲೆನ ಜಪ್ಪರೆ ಪನಂದೆ ಸೀದಾ ಮಣಿಪಾಲದ ಪ್ರೈವೇಟ್ ಆಸ್ಪತ್ರೆದ ತುರ್ತು ವಿಭಾಗೊಗು ಬಸ್ ಕೊನೊಯೆರ ನಿರ್ಧಾರ ಮಲ್ತೆ. ಏರೇ ನರಮಾನಿ ದಾದ ಮಲ್ಪೊಡಾ ಅವೆನ್ ಯಾನ್ ಮಲ್ತೆ. ಯಾನ್ ಆಂಬ್ಯುಲೆನ್ಸ್ ಲಾ ಬುಡ್ಪುನೆರ್ದಾವರ, ಪರಿಸ್ಥಿತಿದ ಗಾತಿ ಯಾನ್ ಅರ್ಥ ಮಲ್ತೊಂಡೆ, ಬೇತೆ ಏರ್ಲಾ ಜಬದರಿ ಇತ್ತಿನ ಡ್ರೈವರ್ ಎನ್ನ ಜಾಗೆಡ್ ಇತ್ತುದುಂಡ ಅಕುಲ್ಲಾ ಇಂಚೆನೇ ಮಲ್ಪೆದೆರ್” ಪನ್ದ್ ಬಸ್ ಡ್ರೈವರ್ ಮಂಜುನಾಥ್ ಪನ್ಡೆರ್. ಆರೆನ ಈ ಮಾನವೀಯತೆದ ಬೇಲೆನ್ ಸಾರ್ವಜನಿಕೆರ್ ಪುಗರೊಂದಲ್ಲೆರ್.