Last updated on July 2nd, 2026 at 09:59 am
ಕುಡ್ಲ, ಜು. 02: ಶಕ್ತಿನಗರದ ಕ್ಯಾಸ್ಟೊಲಿನೋ ಕಾಲೋನಿ ನಿವಾಸಿ ಸ್ಪರ್ಶ್ ಭೂಷಣ್ ಸಿಂಗ್ (19 ವರ್ಷ) ಪನ್ಪಿನ ಜವನೆ ಇಲ್ಲಡ್ ಲಡಯಿ ಮಲ್ತ್ದ್ ಸ್ಕೂಲ್ ಬ್ಯಾಗ್ ಪಣೊಂದು ಜೂನ್ 29 ದಾನಿ ಇಲ್ಲ್ ಜತ್ತ್ದ್ ಪೋತಿನಾಯೆ ತೋಜಂದೆ ಆದಿತ್ತ್ದ್, ಈ ಬಗೆಟ್ ಕುಡ್ಲ ಗ್ರಾಮಾಂತರ ಪೋಲಿಸ್ ಸ್ಟೇಷನ್ಡ್ ಪ್ರಕರಣ ದಾಕಲಾತ್ಂಡ್.
ಕಾಣೆ ಆತಿನಾರೆನ ಪೊಲಬುಗು: ಎತ್ತರ 5.4 ಫೀಟ್, ಎಣ್ಣೆಕಪ್ಪು ಮೆಯಿಬಣ್ಣ, ಕಪ್ಪು ಕುಜಲ್, ಸಪೂರ ಶರೀರ. ಕನ್ನಡ, ಹಿಂದಿ, ಇಂಗ್ಲೀಷ್ ಭಾಷೆ ಪಾತೆರುವೆರ್. ಕಾಣೆ ಆತಿನಾನಿ ಕಪ್ಪು ರಂಗ್ದ ಟಿ-ಶರ್ಟ್, ಕ್ರೀಮ್ ರಂಗ್ದ ಪ್ಯಾಂಟ್ ಪಾಡ್ದಿತ್ತೆರ್. ಕಾಣೆ ಆತಿನ ಜವನನ ಬಗೆಟ್ ಒಲವು ತಿಕ್ಕ್ದ ಕುಡ್ಲ ಗ್ರಾಮಾಂತರ ಪೋಲಿಸ್ ಸ್ಟೇಷನ್ಗ್ ತೆರಿಪಾಯೆರ ಠಾಣಾಧಿಕಾರಿ ಪ್ರಕಟಣೆಡ್ ಪನ್ತೆರ್.