Last updated on July 9th, 2026 at 11:02 am
ಬಂಟ್ವಾಳ, ಜು. 09: ಟೋಲ್ ಕಾಸ್ ಕಟ್ಟಂದೆ ಟೋಲ್ ಗೇಟ್ ದ ಸೆನ್ಸಾರ್ ಬ್ಯಾರಿಯರ್ ನ್ ಪೊಲಿತ್ದ್ ಕಾರ್ ಬುಡೊಂದು ಪದ್ರಾಡಾತಿನ ನಡಪು ಬಂಟ್ವಾಳ ತಾಲೂಕ್ದ ಕಳ್ಳಿಗೆ ಗ್ರಾಮೊದ ಬೆರ್ಮೆರೆಕೂಟೇಲ್ ಟೋಲ್ ಗೇಟ್ ಡ್ ನಡತ್ದ್ಂಡ್. ಟೋಲ್ ಗೇಟ್ದ ಸಕಾಯಕ ವ್ಯವಸ್ಥಾಪಕೆ ಯಶವಂತ ಕುಂದರ್ ಮೇರ್ ಬರೆಪಾದಿನ ಒಯಿಲ್ದ ಆಧಾರೊಡು ಕಾರ್ ಡ್ರೈವರ್ನ ಮಿತ್ತ್ ಬಂಟ್ವಾಳ ನಗರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ಟೋಲ್ದ ಕಾಸ್ ಕಟ್ಟಂದಿನೆರ್ದಾವರ ಸೆನ್ಸಾರ್ ಬ್ಯಾರಿಯರ್ ಓಪನ್ ಆವಂದೆ ಗಾಡಿಗ್ ಅಡ್ಡಕಟ್ಟ್ದಿತ್ತ್ಂಡ್. ಈ ಪೊರ್ತುಡು ಕಾರ್ದ ಡ್ರೈವರ್ ಕಾರ್ರ್ದ್ ಜತ್ತ್ದ್ ಬತ್ತಿತ್ತ್ದ್, ಟೋಲ್ ಸಿಬ್ಬಂದಿ ಕಾಸ್ ಕಟ್ಟ್ದ್ ಎದುದು ಪೋಯೆರೆ ಪನ್ತೆರ್. ಆಂಡ ಡ್ರೈವರ್ ಟೋಲ್ ಸಿಬ್ಬಂದಿನೇ ಅಡ್ಡ ಕಟ್ಟ್ದ್, ಸೆನ್ಸಾರ್ ಗೇಟ್ ದ ಕೈತಡೆ ಪೋದು ಅವೆನ್ ಕೈಟೇ ಪೊಲಿತ್ದ್ ಪಾಡ್ದ್, ಬೊಕ್ಕ ಕಾರ್ ಬುಡೊಂದು ಪೋತೆ ಪನ್ದ್ ಒಯಿಲ್ಡ್ ಆರೋಪ ಮಲ್ತ್ದೆರ್.