Last updated on July 19th, 2026 at 01:26 pm
ಬೋಲ್ತೇರ್, ಜು. 19: ಮದ್ದಡ್ಕ ದ ಕೈತಲ್ ಬೈಕ್ ಬೊಕ್ಕ ಸ್ಕೂಟರ್ ಎಡ್ತೊಂದು ಬೈಕ್ ಬುಡೊಂದಿತ್ತಿನಾರ್ ತೀರ್ದಿತ್ತ್ದ್ ಪಿರವು ಕುಲ್ಲುದಿತ್ತಿನಾರೆಗ್ ಗಡಿಕುಲಾತಿನ ನಡಪು ಶನಿವಾರ ಬಯ್ಯಡ್ ನಡತ್ದ್ಂಡ್. ಬಂಟ್ವಾಳೊದ ಒಂಜಿ ಕಾಲೇಜ್ದ ವಿದ್ಯಾರ್ಥಿ, ಬಳ್ಳಮಂಜ ನಿವಾಸಿ ಕೌಶಿಕ್ ಗೌಡ (19 ) ತೀರ್ದಿನ ಜವನೆ. ಪಿರವು ಕುಲ್ಲುದಿತ್ತಿನ ಮೊಡಂತ್ಯಾರ್ದ ಭರತ್ (20) ಗ್ ಗಾತಿದ ಗಡಿಕುಲಾದಿತ್ತ್ದ್ ಆಸ್ಪತ್ರೆಗ್ ದಾಕಲ್ತ್ದೆರ್.
ರಾಷ್ಟ್ರೀಯ ಪೆರ್ಸಾದಿಡ್ ಬೈಕ್ ಬುಡೊಂದುಪ್ಪುನಗ ಪೆರ್ಸಾದಿಗ್ ಸೇರುನ ಸಾದಿಡೆ ಬತ್ತಿನ ಸ್ಕೂಟರ್ ಒರರ್ದ್ ಒರಾನೆ ಅಡ್ಡ ಬೈದಿನವು ಅಪಘಾತೊಗು ನೆವವ ಪನ್ದ್ ಕೈತಲ್ದಕುಲು ತೆರಿಪಾದೆರ್. ಈ ಪ್ರದೇಶೊಡೆ ಎಚ್ಚ ಎಡ್ತೆಲು ಆವೊಂದುಲ್ಲ. ಬೋಲ್ತೇರ್ ಸಂಚಾರಿ ಸ್ಟೇಶನ್ದ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.