Last updated on August 19th, 2026 at 09:48 am
ವಿಟ್ಲ, ಆ. 19: ಅಪ್ರಾಪ್ತ ಪ್ರಾಯೊದ ಆಣಗ್ ಲೈಂಗಿಕ ಕಿರುಕುಳ ಕೊರ್ದು ಪೋಡಿಕಟ್ಟಾದಿನ ಆರೋಪಡ್ ಇಟ್ಟೆಲ್ ಪೊಲೀಸೆರ್ 53 ವರ್ಸ ಪ್ರಾಯೊದ ಆಂಜೊವು ಒರಿಯನ್ ಕೈದ್ ಮಲ್ತ್ದ್, ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್ ನ್ಯಾಯಂತಡೆ ಆರೋಪಿಗ್ ನ್ಯಾಯಾಂಗ ಕೈದ್ ಕೊರ್ತುಂಡು.
ಇಟ್ಟೆಲ್ ಕೊಂಡಗಾಯಿ ನಿವಾಸಿ ಉಮೇಶ್ (53) ಕೈದಾತಿನ ಆರೋಪಿ.
ಆ.15 ತಾನಿ ಅಳಿಕೆರ್ದ್ ಪುತ್ತೂರ್ ದಂಚಿ ಪೋವೊಂದಿತ್ತಿನ ಬಸ್ಡ್ ಇತ್ತಿನ ಆಣನ ಬರಿಟ್ ಬತ್ತ್ ಕಕಲ್ಲಿನ ಆಂಜೊವು, ಆಣಡ ತತ್ತ್ದ್ ನಡತೊಂದು ಬೊಕ್ಕ ಆಣನ ಇಲ್ಲಗ್ ಪೋದು ಅಲ್ಪಲಾ ಲೈಂಗಿಕ ಕಿರುಕುಳ ಕೊರ್ದು ಪೋಡಿಕಟ್ಟಾದೆ ಪನ್ದ್ ಒಯಿಲ್ಡ್ ಬರೆಪಾದೆರ್.
ಈ ಬಗೆಟ್ ಇಟ್ಟೆಲ್ ಪೊಲೀಸ್ ಸ್ಟೇಶನ್ಡ್ ಅ.ಕ್ರ. 179/2026 ದ ಪ್ರಕಾರ ಪೋಕ್ಸೋ ಕಾಯ್ದೆ 2012ತ ಕಲಂ 4(2) ಬೊಕ್ಕ ಬಿಎನ್ಎಸ್ 2023ತ ಕಲಂ 351(2)ತ ಅಡಿಟ್ ಪ್ರಕರಣ ದಾಕಲಾತ್ಂಡ್.
ಪ್ರಕರಣೊದ ಜಡ್ತೆ ಮಲ್ತಿನ ಇಟ್ಟೆಲ್ ಸ್ಟೇಶನ್ ಪೊಲೀಸೆರ್ ಆರೋಪಿನ್ ಕೈದ್ ಮಲ್ತ್ದ್ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್, ನ್ಯಾಯಂತಡೆ ನ್ಯಾಯಾಂಗ ಕೈದ್ ಕೊರ್ತುಂಡು.