Last updated on August 25th, 2026 at 02:18 pm
ದೆಲ್ಲಿ, ಆಗಸ್ಟ್ 25: ಕಾವೇರಿ ವಿವಾದೊಡು ಕರ್ನಾಟಕ ಕುಠ ಪಿರ ಬೂರ್ದ್ಂಡ್. ನಿಚ್ಚೊಲಾ ತಮಿಳ್ನಾಡ್ಗ್ 9000 ಕ್ಯೂಸೆಕ್ ನೀರು ಬುಡೊಡು ಪನ್ದ್ ಕಾವೇರಿ ನೀರ್ ನಿಯಂತ್ರಣ ಸಮಿತಿ (CWRC) ಸೋಮವಾರ ಕೊರ್ದಿತ್ತಿನ ಆದೇಶೊನು ಕಾವೇರಿ ನೀರ್ ನಿರ್ವಹಣಾ ಪ್ರಾಧಿಕಾರೊದ (CWMA) ಇನಯೊಡು ದೆರ್ತ್ ಪತ್ತ್ದ್ಂಡ್. ದೆಲ್ಲಿಡ್ ಕಾವೇರಿ ನೀರ್ ನಿರ್ವಹಣಾ ಪ್ರಾಧಿಕಾರೊದ ಕಚೇರಿಡ್ ನಡತಿನ ಇನಯೊಡು ಕರ್ನಾಕಕೊರ್ದು ಎಸಿಎಸ್ (ಮುಖ್ಯ ಕಾರ್ಯದರ್ಶಿ) ಗೌರವ್ ಗುಪ್ತಾ ಬೊಕ್ಕ ಕಾವೇರಿ ನೀರಾವರಿ ನಿಗಮ ಎಂಡಿ ಮಹೇಶ್ ಪಾಲ್ಪಡೆಯೆರ್. ತಮಿಳ್ನಾಡ್ರ್ದ್ ನೀರಾವರಿ ಕಾರ್ಯದರ್ಶಿ ಪ್ರಶಾಂತ್, ಕಾವೇರಿ ತಾಂತ್ರಿಕ ಸಮಿತಿ ಅಧ್ಯಕ್ಷೆ ಸುಬ್ರಹ್ಮಣ್ಯಂ ಪಾಲ್ಪಡೆಯೆರ್.
ಬೊಕ್ಕ ಪಾತೆರ್ನ ಗೌರವ್ ಗುಪ್ತಾ, ‘ಇನಿ ಒಂಜರೆ ಗಂಟೆದ ಪಾತೆರಕತೆ ಮಲ್ತ್ದ. ಕೋಡೆ ಕೊರ್ತಿನ ಶಿಫಾರಸ್ಸ್ನ್ ಪಾಲಿಪೆರ ಕಾವೇರಿ ನೀರ್ ನಿರ್ವಹಣಾ ಪ್ರಾಧಿಕಾರ ಸೂಚನೆ ಕೊರ್ತುಂಡು . ತಮಿಳುನಾಡ್ 28 ಟಿಎಂಸಿ ನೀರ್ಗ್ ಕಾಯೆಸ್ ಮಲ್ತಿತ್ತ್ಂಡ್ . ಆಂಡ, ಪ್ರಾಧಿಕಾರ ಅವೆನ್ ಒತ್ತೊಂನ್ದುಜಿ. ನನ ಎಡ್ಡೆ ಪರ್ಸ ಪರ್ಪುಂಡು ಪನ್ದ್ ಹವಾಮಾನ ಇಲಾಖೆ ಆಶಯ ತೋಜಾದ್ಂಡ್. ಅಂಚಾದ್ ನೀರ್ ಬುಡ್ರೆ ಪನ್ತ್ಂಡ್.
ಕಾನೂನ್ ಪೊರ್ಮ್ಬುದ ಬಗೆಟ್, ಕಾನೂನ್ ಕೂಟ ನಿರ್ಧಾರ ಮಲ್ಪುಂಡು. ಇನಿತ ಬುಲೆಚ್ಚಿಲ್ನ್ ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ರೆನ ಗುಮನೊಗು ಕನಪ ಪನ್ದ್ ಗೌರವ್ ಗುಪ್ತಾ ಪನ್ಡೆರ್.
ತಮಿಳುನಾಡ್ಗ್ ಪ್ರತಿ ದಿನ 9000 ಕ್ಯೂಸೆಕ್ ನೀರು ಬುಡ್ರೆ ಕಾವೇರಿ ನೀರ್ ನಿಯಂತ್ರಣ ಸಮಿತಿ (CWRC) ಸೋಮವಾರ ನಿರ್ದೇಶನ ಕೊರ್ದಿತ್ತ್ಂಡ್.