Last updated on September 9th, 2026 at 11:21 am
ಬೆದ್ರ, ಸೆ. 09: ಮೈಸೂರ್ಡ್ ಕಂಬುಲ ಮಲ್ಪಾವುನ ಬಗೆಟ್ ಇದಮುಟ್ಟ ಜಿಲ್ಲಾ ಕಂಬುಲ ಸಮಿತಿಗಾವಡ್ ರಾಜ್ಯ ಕಂಬುಲ ಅಸೋಸಿಯೇಷನ್ಗಾವಡ್ ಒವ್ವೇ ಅಧಿಕೃತ ಲೆಪ್ಪು/ಓಲೆ ಬೈದಿಜಿ. ಅಧಿಕೃತ ಪ್ರಸ್ತಾವನೆ ಬತ್ತಿ ಬೊಕ್ಕನೇ ವಿಶೇಷ ಸಭೆ ಲೆತ್ತ್ದ್, ಎರ್ಲೆನ್ ಲೆತೊಂದು ಪೋಪುನ ಬೊಕ್ಕ ಸಹಕಾರ ಕೊರ್ಪುನ ಬಗೆಟ್ ಅಂತಿಮ ತೀರ್ಮಾನ ಗೆತೊನರೆ ನಿರ್ಧಾರ ಮಲ್ತ್ದ ಪನ್ದ್ ರಾಜ್ಯ ಕಂಬುಲ ಅಸೋಸಿಯೇಷನ್ ಅಧ್ಯಕ್ಷೆ ಡಾ.ದೇವಿಪ್ರಸಾದ್ ಶೆಟ್ಟಿ ಬೆಳಪು ಪನ್ಡೆರ್.
ಬೆದ್ರದ ಕಡಲಕೆರೆ ಸೃಷ್ಟಿ ಗಾರ್ಡನ್ಡ್ ಅಂಗಾರೆ (ಸೆಪ್ಟೆಂಬರ್ 8) ನಡತಿನ ರಾಜ್ಯ ಕಂಬುಲ ಅಸೋಸಿಯೇಷನ್ ಬೊಕ್ಕ ಜಿಲ್ಲಾ ಕಂಬುಲ ಸಮಿತಿದ ಜಂಟಿ ಮಹತ್ವದ ಸಮಾಲೋಚನಾ ಸಭೆರ್ದ್ ಬೊಕ್ಕ ಆರ್ ಈ ಒಲವು ಕೊರ್ತೆರ್.