Last updated on October 8th, 2026 at 09:19 am
ಮುಂಬೈ, ಅ. 08: ಬಾಲಿವುಡ್ ಪೆರಿಯ ನಟೆ ನಾನಾ ಪಾಟೇಕರ್ (75) ಇನಿ ಕಾಂಡೆ ಗೋವಾದ ಮಣಿಪಾಲ್ ಆಸ್ಪತ್ರೆಡ್ ತೀರ್ಯೆರ್.
ಹಿಂದಿ ಬೊಕ್ಕ ಮರಾಠಿ ಚಿತ್ರರಂಗೊಡು ಆರೆನ ಪ್ರಭಾವಶಾಲಿ ಅಭಿನಯೊಗು ಪುದರಾದಿತ್ತಿನ ಮೇರ್, ಗುರುವಾರ ಕಾಂಡೆ 5:20ದ ಅಂದಾಜಿಗ್ ಗೋವಾದ ಆರೆನ ಇಲ್ಲಡ್ ಗಾತಿದ ಹಾರ್ಟ್ ಅಟ್ಯಾಕ್‌ ಆದ್ ತೀರ್ದೆರ್ ಪನ್ದ್ ಮಣಿಪಾಲ್ ಆಸ್ಪತ್ರೆದ ಆಂಕೊಲಾಜಿ ವಿಭಾಗೊದ ಮುಖ್ಯಸ್ಥ ಡಾ. ಶೇಖರ್ ಸಾಲ್ಕರ್ ತೆರಿಪಾದೆರ್.
ಸುಮಾರ್ 45 ನಿಮಿಷೊ ಬುಡಂದೆ ಸಿಪಿಆರ್ (CPR) ಮಲ್ತ್ಂಡಲಾ ಆರೆನ್ ಬದ್‌ಕಾಯೆರೆ ಆತಿಜಿ. ಈ ಬಗೆಟ್ ವೈದ್ಯಕೀಯ-ಕಾನೂನು ಪ್ರಕರಣ (MLC) ದಾಕಲಾದಿತ್ತ್‌ದ್, ಮರಣೋತ್ತರ ಪರೀಕ್ಷೆ ನಡಪುಂಡು ಪನ್ದ್ ಡಾಕ್ಟರ್ ತೆರಿಪಾದೆರ್.
ತುಳುನಾಡ ಮುಂಡೇರ್ ಬೊಕ್ಕ ನಾನಾ ಪಾಟೇಕರ್
ಒಡಿಪು ಜಿಲ್ಲೆದ ಕಾರ್ಲ ತಾಲೂಕ್‌ದ ಮುಡೇರ್ ಗ್ರಾಮೊಡು ನಟೆ ನಾನಾ ಪಾಟೇಕರ್ ಮೆರೆನ ಪ್ರಾಯೋಜಕತ್ವಡ್ ಮುಂಡ್ಕೂರು ಸರಕಾರಿ ಹಿ.ಪ್ರಾ. ಶಾಲೆಡ್ ಸುಮಾರ್ 5 ಲಕ್ಷ ರೂ. ಕರ್ಚಿಡ್ ಕಂಪ್ಯೂಟರ್ ಕ್ಲಾಸ್ ಬೊಕ್ಕ ವಾಚನಾಲಯೊನು 2017 ಟ್ ಕಟ್ಟಾದೆರ್. ಅಂಚೆನೇ ಮುಂಡೇರ್ ದೇಲಂತಡೆದ ಸುಸಜ್ಜಿತ ಸಭಾಂಗಣ, ನಾನಾ ಪಾಟೇಕರ್ ಹಾಲ್ ಪನ್ಪಿ ಸಮುದಾಯ ಭವನೊನ್ಲಾ ಕಟ್ಟಾದೆರ್. ಮುಂಡ್ಕೂರು ಆಶ್ರಯ ಟ್ರಸ್ಟ್‌ದ ಮುಖ್ಯಸ್ಥೆ ಸುಧಾಕರ ಶೆಟ್ಟಿ ಮೆರೆನ ಆಪ್ತೆರಾದಿತ್ತಿನ ನಾನಾ ಪಾಟೇಕರ್ ಬೊಕ್ಕ ಮುಂಡೇರ್‌ಗ್ ಇಪ್ಪುನ ಅವಿನಾಭಾವ ಸಂಬಂಧೊರ್ದಾವರ ಶಾಲೆಗ್ ಬರೊಂದಿತ್ತ್‌ದ್ ಶಿಕ್ಷಣೊಗು ಬೋಡಾಪಿನ ಯೋಜನೆಲೆಗ್ ಸಹಕಾರ ಕೊರೊಂದಿತ್ತೆರ್.
Periya Bollywood Nate, Padmashri Nana Patekar Teeryer! Tulunaad Munder Bokka Nana Patekarg Daada Sambandha?
Mumbai, Oct. 08: Bollywood periya nate Nana Patekar (75) ini kaange Govada Manipal Aaspatared teeryer.
Hindi bokka Marathi chitrarangodu aarena prabhaavashaali abhinayogu pudaraadittina mer, Guruvaara kaande 5:20da andaajig Govada aarena illd gaatida heart attack aad teerder pand Manipal Aaspatareda Oncology Vibhagoda Mukhyastha Dr. Shekhar Salkar teripaader.
Sumaar 45 nimishag budande CPR (CPR) maltdndla aaren badkaayere aatiji. Ee baget vaidyakeeya-kaanoonu prakarana (MLC) daaklaadittd, maranottara pareekshe nadapundu pand doctor teripaader.
Udinu jilleda Kaarla taalukda Muder graamodu nate Nana Patekar merena praayojakatvadd Mundkooru Sarkaari Hi. Pra. Shaaled sumaar 5 laksha rupee karchid computer class bokka vaachanayalonu 2017t kattaader.
Anchene Munder Delantadeda susajjita sabhaangana, “Nana Patekar Hall” panpi samudaaya bhavanonla kattaader. Mundkooru Aashraya Trustda Mukhyasthe Sudhaakara Shetty merena aapteraadittina Nana Patekar bokka Munderg ippuna avinaabhaava sambandhordavar, shaaleg barondittdodo shikshanogu bodaapina yojanele g sahaakaara koronditter.