Last updated on October 31st, 2022 at 06:34 am
ಗುಜರಾತ್: ಮೊರ್ಬಿ ಪೇಂಟೆಡ್ ಮಚ್ಚು ಸುದೆಕ್ ಬ್ರಿಟಿಷೆರೆನ ಕಾಲೊಡು ಕಟ್ಟ್‌ದಿನ ಬಲ್ಲಸಂಕ(Cable Bridge) ಕೋಡೆ ರಾತ್ರೆ ಕಡಿದ್ ಜೋಕುಲುಬಾಲೆಲು ಮಲ್ಲಕುಲುಸೇರ್ದ್ ಸುಮಾರ್ 500ರ್ದ್‌ಲಾ ಎಚ್ಚಿನ ಜನ ಸುದೆಕ್ ಬೂರ್ದೆರ್. ಏತ್ ಜನ ಪೆರಣ ಕಲೆವೊಂದೆರ್ಂದ್ ತೆರಿದ್ ಬೈದಿಜಿ, ಆಂಡ ಒಂಜಿ ವರದಿದ ಪಿರ್ಕಾರ ಕಮ್ಮಿಡ್ 78 ಜನ ಈ ಘಟನೆಡ್ ತೀರ್ದೆರ್.
ಜುಲ್ಟೋ ಪೂಲ್ ಪಂದ್ ಲೆತ್ತೊಂದಿತ್ತಿನ ಈ 230ಮೀಟರ್ ಉದ್ದೊದ ಸಂಕ ಎಡ್ಡೆ ಟೂರಿಸ್ಟ್ ಜಾಗೆ ಆದಿತ್ತ್ಂಡ್.
ಈ ಪರ ಸಂಕೊದ ರಿಪೇರಿ ಆದ್ ಕರಿನ ವಾರೊಡು ಜನೊಕ್ಲೆಗ್ ಗಲಸೆರ ಅನುವು ಕೊರ್ದಿತ್ತೆರ್. ಆಂಡ ಕೆಲವೇ ದಿನೊಟು ಇಂಚ ಆದ್ ಈತೊಂಜಿ ಜನ ಪೆರಣ ಕಲೆವೊಂದಿನ ರಿಪೇರಿದ ಬೇಲೆದ ಮಿತ್ತ್ ಪ್ರಶ್ನೆ ಮನ್ಪುಲೆಕ ಆತ್ಂಡ್.
ಸಂಕ ಬೂರಿನಲ್ಪ ಕರೆಂಟ್‌ದ ವೆವಸ್ತೆ ಸಮದಾಂತಿನೆರ್ದಾವರ ಬಚಾವ್‌ದ ಬೇಲೆಗ್ ಮಸ್ತ್ ಬಂಙ ಆಂಡ್ ಪಂದ್ ತೆರಿದ್ ಬೈದ್ಂಡ್.