Last updated on October 10th, 2026 at 07:48 pm
ಕಾಸ್ರೋಡ್, ಅ. 10 : ಶ್ರೀ ಮದನಂತೇಶ್ವರ ವಿನಾಯಕ ದೇವಲ್ಯೊ ಮಧೂರು ಮುಲ್ಪ ಜೈ ತುಲುನಾಡ್ ಕಾಸ್ರೋಡ್ ವಲಯ ಸಮಿತಿ ಬೊಕ ಶ್ರೀ ಮದನಂತೇಶ್ವರ ವಿನಾಯಕ ಸೇವಾ ಸಮಿತಿದ ಒತ್ತುಸೇರಿಗೆಡ್ ತುಳು ಲಿಪಿ ಬ್ರಹ್ಮ ಪನ್ಪಿ ಪುದರ್ ಪಡೆಯಿನ ಶ್ರೀ ಡಾ. ಪುಂಡೂರು ವೆಂಕಟರಾಜ ಪುಣಿಂಚತ್ತಾಯರೆನ ಪುಟ್ಟು ದಿನಾಚರಣೆನ್ ಮಧೂರು ದೇವಲ್ಯೊಡು ತುಳು ಲಿಪಿ ಪುದರ್ ಪಲವೆ ಉದಿಪನ ಮಂತ್‌ದ್ ಶ್ರೀ ಟಿ ರಾಜೇಶ್. ಮಧೂರು ಕ್ಷೇತ್ರ ವ್ಯವಸ್ಥಾಪಕ ಅಧಿಕಾರಿ, ಸೈನಿಕೆರೆನ ಚರಿತ್ರೆ ಪನ್ಪಿನ ವಡಕ್ಕನ್ ಪಾಟ್‌ಡ್ ತುಳುನಾಡ್, ತುಳು ಬಾಸೆದ ಬಗೆಟ್ ಉಲ್ಲೇಖ ಉಂಡು, ಯಾನ್ ಉತ್ತರ ಕೇರಳದಾಯೆ, ಮಲಯಾಳದ ಒಟ್ಟುಗು ಈ ಪ್ರದೇಶದ ತುಳು, ಕನ್ನಡ ಬಾಸೆನ್ ಮೋಕೆ ಮಲ್ಪುವೆ, ದುಂಬುಗು ಅವೆನ್ ಕಲ್ಪರೆ ಪ್ರಯತ್ನ ಮಲ್ಪುವೆ ಪಂದ್ ಆರ್ ಪಂಡೆರ್.
ಕುಡೊಂಜಿ ಮಲ್ಲ ಬಿನ್ನೆರ್ ಬಹುಭಾಷಾ ಸಾಹಿತಿ ಶ್ರೀ ರಾಧಾಕೃಷ್ಣ ಉಳಿಯತ್ತಡ್ಕ ಪಾತೆರೊಂದು ಪುವೆಂಪುರೆನ ಒಟ್ಟಿಗೆ ಇತ್ತಿನ ದಿನೊಕುಲೆನ್ ನೆನೆಪು ಮಲ್ತೊಂದು ತುಳು ಬಾಸೆ, ಸಾಹಿತ್ಯೊಗು ಅರೆನ ಅಪಾರ ಕೊಡುಗೆದ ಬಗ್ಗೆ ಪಾತೆರ್ಯೆರ್.
ಮಲಯಾಳ ಸಾಹಿತಿ ಶ್ರೀ ರವೀಂದ್ರನ್ ಪಾಡಿ, ಭಾಷಾವಾರು ಪ್ರದೇಶ ರಚನೆ ಆಪಿ ಕಾಲೊಡು ತುಳುನಾಡ್ ನ್ ರಡ್ಡ್ ತುಂಡುಮಂತ್ದ್ ರಡ್ಡ್ ರಾಜ್ಯೊಗು ಸೇರಾಯೆರ್. ಅವು ತುಳುನಾಡು ಆವೊಡು. ಉಂದೆಕ್ ಮಸ್ತ್ ಸಮಯೊಡ್ದಿಂಚಿ ಪೊರುಂಬಾಟೊಲು ನಡತೊಂದುಂಡು.ನನಾಂಡ ತುಲುನಾಡ್ ಆವೊಡು, ತುಳು ಭಾಷೆ ಅಧಿಕೃತ ಸ್ಥಾನಮಾನ ಪಡೆವೊಡು ಪಂದ್ ಆಸೆ ಉಂಡು ಪಂಡೆರ್.
ಶ್ರೀ ಉತ್ತಮ ಉರ್ಲಿತಡ್ಕ. ಜೈ ತುಲುನಾಡ್ ಕಾಸರಗೋಡು ವಲಯದ ಗುರ್ಕಾರ್ಲು ಲೇಸ್ ದ ಗುರ್ಕಾರ್ಮೆ ವಯಿಸೊಂಡೆರ್. ಶ್ರೀ ಯೋಗೀಶ್ ಎಂ.ಆರ್. ಮಧೂರು ಗ್ರಾಮ ಪಂಚಾಯಿತಿ ಸದಸ್ಯರ್, ಶ್ರೀ ಹರೀಶ್ ಆರ್. ನಗರಸಭೆ ಸದಸ್ಯೆರ್ ಬೊಕ ತುಳು ಅಭಿಮಾನಿ, ಶ್ರೀ ಶ್ಯಾಮ. ಮಧ್ಯಸ್ಥೆರ್ ಮಧೂರು ಕ್ಷೇತ್ರ ಕಛೇರಿ, ಶ್ರೀ ವಿಜಯರಾಜ ಪುಣಿಂಚತ್ತಾಯ ಸಾಹಿತಿ ಬೊಕ ಪುವೆಂಪುರೆನ ಮಗೆ, ಶ್ರೀ ಮದುಕರ್ ಗಟ್ಟಿ, ಜೈ ತುಲುನಾಡ್ ಕೇಂದ್ರ ಸಮಿತಿಯ ಕಾರ್ಯಂತೆರಾಯಿನ ಕುಮಾರಿ ಚಿತ್ರಾಕ್ಷಿ ಮುಗೇರ ತೆಗ್ಗು, ಮಂಗಳೂರು ವಲಯ ಸಮಿತಿದ ಗುರ್ಕಾರ್ಲಾಯಿನ ಶ್ರೀಮತಿ. ರಾಜಶ್ರೀ ಚಂದ್ರಶೇಖರ ತಲಪಾಡಿ, ಒತ್ತುಪಾಲ್‌ಡಿತ್ತೆರ್.
ಮಿತ್ರ ಕಲಾ ವೃಂದ ಮಧೂರುದ ಬಾಲ ಗೋಕುಲದ ಜೋಕುಲೆನ ಪ್ರಾರ್ಥನೆಡ್ ಕಾರ್ಯಕ್ರಮ ಸುರುವಾದ್, ಕಾಸರಗೋಡು ವಲಯ ಸಮಿತಿಯ ಸದಸ್ಯರಾಯಿನ ಶ್ರೀ ಪ್ರವೀಶ್ ಕುಲಾಲ್ ಬೀರಿಕುಂಜೆ ಎದ್ಕೊಂಡೆರ್, ಶ್ರೀಮತಿ. ಕುಶಾಲಾಕ್ಷಿ ವಿ ಕುಲಾಲ್ ಕಣ್ವತೀರ್ಥ ಪ್ರಾಸ್ತಾವಿಕ ಪಾತೆರ ಪಂಡೆರ್, ಶ್ರೀ ಹರಿಕಾಂತ್ ಕಾಸರಗೋಡು ಸೊಲ್ಮೆ ಸಂದಾಯೆರ್, ಶ್ರೀ ಶ್ರೀನಿವಾಸ್ ಆಳ್ವ ಕಳತ್ತೂರು ಸುಧಾರಿಕೆ ಮಂತೆರ್. ಕಾರ್ಯಂತೆರ್ ಶ್ರೀ ಕೃಷ್ಣ ಪ್ರಸಾದ್ ಕುಲಾಲ್ ಕಳತೂರು, ಶ್ರೀ ಯಜ್ಞೇಶ್, ಶ್ರೀ ಚಂದ್ರಶೇಖರ್ ತಲಪಾಡಿ, ಶ್ರೀಮತಿ ಕೆ. ಪವಿತ್ರ ಮಾಡ, ಶ್ರೀಮತಿ. ಅಶ್ವಿನಿ ಟಿ ರೈ, ಶ್ರೀಮತಿ. ವಿನೋದ್ ಪ್ರಸಾದ್ ರೈ ಕಾರಿಂಜ, ಶ್ರೀ ಚಿರಾಗ್ ಮಂಗಳೂರು ಬೆರಿಸಾಯ ಮಂತೆರ್.
October 10: Vishva Tulu Lipi Dina bokka Tulu Lipi Pudar Palave Udipana
Kasrod, October 10: Sri Madananteshwara Vinayaka Devalyo Madhur mulp Jai Tulunad Kasrod Valaya Samiti bokka Sri Madananteshwara Vinayaka Seva Samitida ottuseriged Tulu Lipi Brahma panpi pudar padeyina Sri Dr. Pundooru Venkataraja Puninchattayaren puttu dinacharanen Madhur Devalyodu Tulu Lipi Pudar Palave udipana malt’d.
Sri T. Rajesh, Madhur Kshetra Vyavasthaapaka Adhikaari, sainikerena charitre panpina vadakkan paat’d Tulunad, Tulu baaseda bagget ullekh undu. Yaan Uttara Keraladaaye, Malayalamda ottugu ee pradeshada Tulu, Kannada baasen moke malpuve. Dumbugu aven kalpare prayatna malpuve pand aar panDer.
Kudonji malla binner, bahubhaasha saahiti Sri Radhakrishna Uliyattadka paterondu Puvempuren ottige itthina dinokulen nenepu maltondu Tulu baase, saahityogu arena apaara kodugeda bagget pateryer.
Malayala saahiti Sri Ravindran Paadi, bhaashavaaru pradesha rachane aapi kaalondu Tulunad’n radd tunDu malt’d radd raajyogu serayer. Avu Tulunadu aavodu. Undek mast samayoddinchi porumbaatolu nadatondundu. NanaanDa Tulunad aavodu, Tulu bhaashe adhikruta sthaanama padevodu pand aase undu panDer.
Sri Uttama Urlitadka, Jai Tulunad Kasargod Valayada gurkaarulu, les’da gurkaarme vayisond’er. Sri Yogish M. R., Madhur Grama Panchayati sadasyar, Sri Harish R., Nagara Sabha sadasyer bokka Tulu abhimaani, Sri Shyam, Madhyasthe Madhur Kshetra Kacheri, Sri Vijayraj Puninchattaya, saahiti bokka Puvempuren mage, Sri Madhukar Gatti, Jai Tulunad Kendra Samitida kaaryantheraayina Kumari Chitrakshi Mugera Teggu, Mangaluru Valaya Samitida gurkaarlaayina Srimati Rajashree Chandrashekhara Talapadi ottupaal’d itter.
Mitra Kala Vrinda Madhurda Baala Gokulada jokulena praarthaned karyakrama suruvaad, Kasargod Valaya Samitida sadasyaraayina Sri Praveesh Kulal Beerikunj’e edkonDer. Srimati Kushalakshi V. Kulal Kanvatheertha praastaavika paatera panDer. Sri Harikanth Kasargod solme sandaayer. Sri Srinivas Alva Kalattur sudhaarike manter.
Kaaryanther Sri Krishna Prasad Kulal Kalatur, Sri Yagnesh, Sri Chandrashekhara Talapadi, Srimati K. Pavitra Mada, Srimati Ashwini T. Rai, Srimati Vinod Prasad Rai Karinje, Sri Chirag Mangaluru berisaaya manter.