Last updated on October 16th, 2026 at 08:05 am
ಕುಡ್ಲ, ಅ.16: 2021 ಟ್ ಅಪ್ರಾಪ್ತೆದಿ ಪೊಣ್ಣನ ಮಿತ್ತ್ ಅತ್ಯಾಚಾರ ಮಲ್ದಿನ ಪ್ರಕರಣೊಗು ಸಂಬಂಧಿತ್‌ದ್ ಕುಡ್ಲದ ಏಳನೇ ಎಚ್ಚಿಗೆದ ಜಿಲ್ಲಾ ಬೊಕ್ಕ ಸತ್ರ ನ್ಯಾಯಂತಡೆ 30 ವರ್ಸೊದ ಆಂಜೊವುಗು 20 ವರ್ಸೊದ ಕಠಿಣ ಕರ್ಪಿಲ್ಲ ಶಿಕ್ಷೆ ಕೊರ್ತುಂಡು.
ಆರೋಪಿನ್ ಕಡಬದ ರಾಮಕುಂಜ ನಿವಾಸಿ ಶೇಖರ್ ಅಲಿಯಾಸ್ ಸೇಸಪ್ಪೆ ಪನ್ದ್ ಗುರ್ತ ಪತ್ತ್‌ದೆರ್.
ನಡಪು ಮೇ 8, 2021 ತಾನಿ ಕಡಬ ಪೊಲೀಸ್ ಸ್ಟೇಶನ್ ಸೀಮೆಡ್ ನಡತಿತ್ತ್‌ದ್, ಆರೋಪಿ ಅಪ್ರಾಪ್ತೆದಿ ಪೊಣ್ಣನ್ ಅತ್ಯಾಚಾರ ಮಲ್ತ್‌ದ್ ಕೆರ್ಪುನ ಪೋಡಿಕಟ್ಟಾದೆ. ಕಡಬ ಪೊಲೀಸ್ ಸ್ಟೇಶನ್‌ಡ್ ಐಪಿಸಿ ಸೆಕ್ಷನ್ 376(2)(ಎಫ್)(ಎನ್), 376(3), ಬೊಕ್ಕ 506 ದ ಅಡಿಟ್ ಬೊಕ್ಕ ಪೋಕ್ಸೋ ಕಾಯ್ದೆದ ಸೆಕ್ಷನ್ 5(ಜೆ)(ii)(ಎಲ್) ಅಡಿಟ್ ಪ್ರಕರಣ ದಾಕಲಾದಿತ್ತ್ಂಡ್.
ಅಪಗದ ಪುತ್ತೂರು ಗ್ರಾಮಾಂತರ ವೃತ್ತ ನಿರೀಕ್ಷಕೆ ಉಮೇಶ್ ಯು ಜಡ್ತೆ ಮಲ್ತ್‌ದ್, ಬೋಡಾಪಿನ ಸಾಕ್ಷ್ಯೊಲೆನ್ ಒಟ್ಟು ಮಲ್ತ್‌ದ್, ನ್ಯಾಯಂತಡೆಗ್ ಆರೋಪಪಟ್ಟಿ ಸಂದಾದಿತ್ತೆರ್. ವಿಚಾರಣೆರ್ದ್ ಬೊಕ್ಕ, ನ್ಯಾಯಾಧೀಶೆದಿ ಸುಮಂಗಲಾ ಚಕಲಬ್ಬಿ ಮೇರ್, ಆರೋಪಿನ್ ಅಪರಾಧಿ ಪನ್ದ್ ಘೋಷಣೆ ಮಲ್ತ್‌ದೆರ್. ಪೋಕ್ಸೋ ಕಾಯ್ದೆದ ಸೆಕ್ಷನ್ 5(l) ಒಟ್ಟುಗು 6 ತ ಅಡಿಟ್ ಸೇಸಪ್ಪಗ್ ನ್ಯಾಯಂತಡೆ 20 ವರ್ಸೊದ ಕಠಿಣ ಕರ್ಪಿಲ್ಲ ಶಿಕ್ಷೆ ಬೊಕ್ಕ 25,000 ರೂ. ದಂಡ ಪಾಡ್ದ್ಂಡ್. ದಂಡ ಕಟ್ಟಿಜಿಂಡ ಎಚ್ಚಿಗೆ ಒಂಜಿ ವರ್ಸ ಸಾಧಾರಣ ಶಿಕ್ಷೆ ಕೊರ್ದು ಆದೇಶ ಕೊರ್ತುಂಡು.
ಈತೇ ಅತ್ತಂದೆ, ಐಪಿಸಿ ಸೆಕ್ಷನ್ 506 (ಕ್ರಿಮಿನಲ್ ಪೋಡಿಕಟ್ಟಾದಿನ) ಅಡಿಟ್, ಆಯಗ್ ಒಂಜಿ ವರ್ಸ ಕಠಿಣ ಕರ್ಪಿಲ್ಲ ಶಿಕ್ಷೆ ಬೊಕ್ಕ 25,000 ರೂ. ದಂಡ ಪಾಡ್ದೆರ್. ಇಂದೆಕ್ ತತ್ತ್ಂಡ ಆಯೆ ಕುಡೊಂಜಿ ವರ್ಸ ಸಾಧಾರಣ ಕರ್ಪಿಲ್ಲ ಶಿಕ್ಷೆ ಅನುಭವಿಪೊಡು. ಒಟ್ಟಾರೆ, ಅಪರಾಧಿಗ್ 20 ವರ್ಸ ಕಠಿಣ ಕರ್ಪಿಲ್ಲ ಶಿಕ್ಷೆ ಬೊಕ್ಕ 50,000 ರೂ. ದಂಡ ಪಾಡ್ದೆರ್. ಪ್ರಕರಣೊಡು ಸರ್ಕಾರಿ ಅಭಿಯೋಜಕೆ ಪುಷ್ಪರಾಜ್ ಅಡ್ಯಂತ್ತಾಯೆ ಸರ್ಕಾರೊದ ಪರವಾದ್ ವಾದ ಮಂಡನೆ ಮಲ್ತೆರ್.
Kadaba Aprapthedi Ponnana Atyaachaara Prakarana – Aaropig 20 Varsha Kathina Karpilla Shikshe, Danda
Kudla, October 16: 2021’t aprapthedi ponnana mitt atyachaara maldina prakarogu sambandhitd Kudlada Elne Echchigeda Jilla bokka Sattra Nyaayantade 30 varshada aanjovugu 20 varshada kathina karpilla shikshe kortund.
Aaropin Kadabada Ramakunja nivaasi Shekhar alias Sesappa pand gurta pattder.
Nadapu May 8, 2021 taani Kadaba Police Station seemed nadatittd. Aaropi aprapthedi ponnan atyachaara maltd kerpuna podikattaade. Kadaba Police Station’d IPC Section 376(2)(f)(n), 376(3), bokka 506 da adit bokka POCSO kaayde da Section 5(j)(ii)(l) adit prakaran daakhala aadittnd.
Apaga Puttur Graamaantara Vritta Nireekshaka Umesh U. jadte maltd, bodapina saakshyolen ottu maltd, nyaayantadeg aaropapatti sandaaditter. Vichaaranerd bokka, nyaayaadheeshedi Sumangala Chakalabbi mer, aaropin apraadhi pand ghoshane maltder.
POCSO kaayde da Section 5(l) ottugu 6 ta adit Sesappag nyaayantade 20 varshada kathina karpilla shikshe bokka ₹25,000 danda paaddnd. Danda kattijind echchige onji varsha saadhaarana shikshe kordu aadesha kortund.
Eete attande, IPC Section 506 (criminal podikattaadina) adit, aayag onji varsha kathina karpilla shikshe bokka ₹25,000 danda paadder. Indek tattanda aye kudonji varsha saadhaarana karpilla shikshe anubhavipodu.
Ottare, apraad hig 20 varsha kathina karpilla shikshe bokka ₹50,000 danda paadder. Prakaranodu sarkaari abhiyojake Pushparaj Adyanthayae sarkaaroda paravaad vaada mandane malter.