Last updated on October 16th, 2026 at 04:46 pm
ಕುಡ್ಲ, ಅ.16: ತೆನ್ಕಾಯಿ ಕುಡ್ಲ ಪೊಲೀಸ್ ಸ್ಟೇಷನ್ ಸೀಮೆಡ್ ಅಪ್ರಾಪ್ತ ಪ್ರಾಯೊದ ಆಣಗ್ ಪಾಕ ಸಮೆರ್ದಿಂಚಿ ಲೈಂಗಿಕ ಕಿರುಕುಳ ಮಲ್ದಿನ ಗಾತಿದ ಆರೋಪ ಚರ್ಚ್‌ದ ಫಾದರ್‌ನ ಮಿತ್ತ್ ಕೇನ್ದ್ ಬೈದ್ಂಡ್. ಈ ಬಗೆಟ್ ಪೊಲೀಸೆರ್ ಪೋಕ್ಸೋ ಕಾಯ್ದೆದಡಿಟ್ ಎಫ್‌ಐಆರ್ ದಾಕಲ್ತೊಂದು ಜಡ್ತೆ ಮಲ್ತೊಂದುಲ್ಲೆರ್.
ಆರೋಪಿನ್ ಫಾದರ್ ಸಿಪ್ರಿಯನ್ ಪಿಂಟೋ ಪನ್ದ್ ಗುರ್ತ ಪತ್ತ್‌ದೆರ್. ಎಫ್‌ಐಆರ್‌ದ ಪ್ರಕಾರ, ಪ್ರಾರ್ಥನೆಗ್ ಚರ್ಚ್‌ಗ್ ಸರಾಗ್ ಬರೊಂದಿತ್ತಿನ ಅಪ್ರಾಪ್ತ ಆಣಗ್ ತೊಡು ತೋಜಾಯಿನ ಧರ್ಮಗುರು, ಆಯನ್ ಖಾಸಗಿ ಪ್ರಾರ್ಥನೆದ ಅದೆಕ್ ಅಂಚೆನೇ ಆಯನ ಅದೆಕ್ ಲೆಪುಡಾದ್ ಸರಾಗ್ ಲೈಂಗಿಕ ಕಿರುಕುಳ ಕೊರೊಂದಿತ್ತೆಗೆ.
2026ತ ಆಗಸ್ಟ್ 14ತ ಬಯ್ಯ ಪ್ರಾರ್ಥನೆದ ಪೊರ್ತುಡು ಧರ್ಮಗುರು ಆಣಗ್ ಕುಡ ಕಿರುಕುಳ ಕೊರ್ತೆಗೆ ಯ. ಇಂದೆರ್ದಾವರ ಪೋಡಿನ ಅಪ್ರಾಪ್ತೆ ಆಯನ ದೋಸ್ತಿಯರ್ಲೆಡ ಈ ವಿಷಯೊನು ಪಟ್ಟೊನುನಗ, ಬೊಕಲಾ ಕೆಲ ಆಣ್‌ಜೋಕುಲೆಗ್ಲಾ ಇಂಚೆನೇ ಲೈಂಗಿಕ ದೌರ್ಜನ್ಯ ಮಲ್ದಿನ ತೆರಿದ್ ಬೈದ್ಂಡ್.
ಪೋಡಿನ ಸಂತ್ರಸ್ತೆ ಆಣ್ ಅಕೇರಿಗ್ ಆಯನ ಇಲ್ಲದಕ್ಲೆಡ ಈ ವಿಷಯೊನು ತೆರಿಪಾದೆ. ಅಪ್ಪೆಅಮ್ಮೆ ಅಪಗನೇ ಈ ವಿಚಾರೊನಕ ಬಿಷಪ್‌ನ ಗುಮನೊಗು ಕನತ್‌ದೆರ್. ಬಿಷಪ್ ರೆನ ಸಲಹೆದ ಪ್ರಕಾರ ಪೋಷಕೆರ್ ಪೊಲೀಸೆರೆಡ ಅಧಿಕೃತ ಒಯಿಲ್ ಬರೆಪಾದೆರ್.
ಪೋಕ್ಸೋ ಕಾಯ್ದೆದ ಮಾರ್ಗಸೂಚಿಲೆನ ಪ್ರಕಾರ, ಸಂತ್ರಸ್ತೆ ಬೊಕ್ಕ ದೂರುದಾರೆರೆನ ಗುರ್ತೊನು ಪಿದಯಿ ಬುಡ್ತುಜೆರ್. ತೆನ್ಕಾಯಿ ಕುಡ್ಲ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.
Kudla: Aprapta Aanag Laingika Kirukula; Church’da Father’na Mitt POCSO Prakarana Daakhal
Kudla, October 16: Tenkaayi Kudla Police Station seemed aprapta praayoda aanag paaka samayerdinchi laingika kirukula maldina gaatida aaropa church’da father’na mitt kend baand. Ee bagget policeer POCSO kaayde da adit FIR daakalthondu jadte maltonduller.
Aaropin Father Cyprian Pinto pand gurta pattder. FIR da prakaara, praarthaneg church’g saaraag barondittina aprapta aanag todu tojaayina dharmaguru, aayan khaasagi praarthaneda adek ancheney aayana adek lepuDaad saaraag laingika kirukula korondittege.
2026da August 14ta bayya praarthaneda portudu dharmaguru aanag kuda kirukula korterge. Inderdaavara podina apraptae aayana dostiyerled ee vishayonu pattonunaga, bokala kela aanjokulegla incheney laingika dourjanya maldina terid baand.
Podina santraste aan akerig aayana illadakled ee vishayonu telipaade. Appe-amme apagane ee vichaaronu Bishop’na gumanogu kantder. Bishop’rena salaheda prakaara poshaker policeered adhikruta oyil barepaader.
POCSO kaayde da maargasoochilena prakaara, santraste bokka doorudaarerena gurtonu pidayi budtujer. Tenkaayi Kudla policeer jadte maltonduller.