Last updated on October 17th, 2026 at 07:49 am
ಉಬಾರ್: ಮಾರ್ನೆಮಿ ಬತ್ತಿನೇ ತುಳುನಾಡೊರ್ಮೆ ಪಿಲಿಕ್ಲೆನ ಆರ್ಭಟ ಸುರು ಆಪುಂಡು. ಚಾರಿತ್ರಿಕ ಪಿರನಿಲೆ ಇಪ್ಪುನ ಈ ಪಿಲಿನಲಿಕೆ ಪರಕೆದ ರೂಪೊಡಾ, ಗೌಜಿದ ರೂಪೊಡಾ ದಾನ್ನ ಸುರು ಆದ್‌, ಇನಿತ ದಿನೊಟು ಸಂಸ್ಕೃತಿ ಒರಿಪಾವುನೆತ ಒಟ್ಟುಗು ಜವನೆರೆನ್‌ ಒಂಜಿ ಮಲ್ಪುನ ಬೇಲೆ ಮಲ್ತೊಂದುಂಡು. ಇಂಚೆನೇ ಜವನೆರ್‌ ಒಟ್ಟಾದ್‌ ಸಮಾಜಸೇವೆಗ್‌ ಕಟ್ಟೊಂದಿನ ಕೂಟ ʼಟೀಮ್ ಅಘೋರ ಉಬಾರ್ʼ ಅಕಲೆನ ರಡ್ಡನೇ ವರ್ಸೊದ ʼಪಿಲಿಪಜ್ಜʼ ನ್‌ ಅಕ್ಟೋಬರ್‌ 17 ಬೊಕ್ಕ 18 ದಾನಿ ಉಬಾರ್‌ದ ಉಲ್ಲಾಯೆ ಶ್ರೀ ಸಹಸ್ರಲಿಂಗೇಶ್ವರನ ದೇಲಂತಡೆದ ಎದುರುಮೆಯಿಟ್‌ ನಡಪಾವೊಂದುಲ್ಲೆರ್.
17-10-2026 ನೇ ಶನಿವಾರ ಬಯ್ಯ 6:30 ಕ್‌ ಉದಿಪನ ಆದ್‌ ಸಾಂಸ್ಕೃತಿನ ಕಾರ್ಯಕ್ರಮ ಆದ್‌ ರಾತ್ರೆ 9:30 ರ್ದ್‌ ಊದು ಸುರು ಆಪುಂಡು. ಈ ಲೇಸ್‌ಗ್‌ ಮಲ್ಲ ಬಿನ್ನೆರಾದ್‌ ಸಂಸದೆರ್ ಕ್ಯಾಪ್ಟನ್ ಬ್ರಿಜೇಶ್ ಚೌಟೆರ್‌, ಪುತ್ತೂರು ವಿಧಾನ ಸಭಾ ಕ್ಷೇತ್ರೊದ ಶಾಸಕೆರ್‌ ಶ್ರೀ ಅಶೋಕ್ ಕುಮಾರ್ ರೈ , ಬೋಲ್ತೇರ್ ವಿಧಾನ ಸಭಾ ಕ್ಷೇತ್ರೊದ ಶಾಸಕೆರ್‌ ಶ್ರೀ ಹರೀಶ್ ಪೂಂಜ, ಮಾಜಿ ಶಾಸಕೆರ್‌ ಶ್ರೀ ಸಂಜೀವ ಮಠಂದೂರು, ಹಿಂದೂ ಮುಖಂಡೆರ್‌ ಶ್ರೀ ಅರುಣ್ ಕುಮಾರ್ ಪುತ್ತಿಲ, ಪಿಲಿನಲಿಕೆ ಪ್ರತಿಷ್ಠಾನೊದ ಅಧ್ಯಕ್ಷೆರ್‌ ಶ್ರೀ ಮಿಥುನ್ ಎಂ ರೈ , ಶ್ರೀ ಶಶಿಧರ್ ಬಿ. ಶೆಟ್ಟಿ ನವಶಕ್ತಿ ಬರೋಡ, ಪುತ್ತೂರ್ ಕೋಟಿ ಚೆನ್ನಯ ಜೋಡುಕರೆ ಕಂಬಳ ಸಮಿತಿದ ಅಧ್ಯಕ್ಷೆರ್‌ ಶ್ರೀ ಎನ್. ಚಂದ್ರಹಾಸ ಶೆಟ್ಟಿ, ರೈ ಎಸ್ಟೇಟ್ಸ್ ಎಜ್ಯುಕೇಶನಲ್ & ಚಾರಿಟೇಬಲ್ ಟ್ರಸ್ಟ್‌ದ ಕಾರ್ಯಧ್ಯಕ್ಷೆರ್ ಶ್ರೀ ಸುದೇಶ್ ಆರ್ ಶೆಟ್ಟಿ , ಶ್ರೀ ಸಹಸ್ರಲಿಂಗೇಶ್ವರ ದೇಲಂತಡೆದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್‌
ಶ್ರೀ ರಾಧಾಕೃಷ್ಣ ನಾೖಕ್ ಪಾಲ್‌ಪಡೆಯೆರ ಉಲ್ಲೆರ್. ಈ ಲೇಸ್‌ಡ್‌ ಸಮಾಜ ಸೇವಕೆ ಶ್ರೀ ಈಶ್ವರ್‌ ಮಲ್ಪೆ ಬೊಕ್ಕ World Cable Wakeboard & Wakeskate Champion ಶ್ರೀ ಶ್ರೇಯಸ್‌ ಶೇಣವ ಮೊಕಲೆಗ್‌ ಮಾನಾದಿಗೆ ನಡಪೆರೆ ಉಂಡು. ಸ್ವರ ಮನ್ಮಥೆ ವಿ. ಜೆ. ಮಧುರಾಜ್‌ ಲೇಸ್‌ ಸುದಾರ್ಮೆ ಮಲ್ಪುವೆರ್.
ಎಲ್ಲೆ, ಅಕ್ಟೋಬರ್‌ 18 ದಾನಿ ಕಾಂಡೆ 8:30 ಗಂಟೆರ್ದ್‌ ಜಂಡೆ ಮೆರವಣಿಗೆ ನಡಪರೆ ಉಂಡು. ಈ ಲೇಸ್‌ಗ್‌ ಮಾತೆರ್ಲಾ ಬತ್ತ್‌ದ್‌ ಗೆಂದಾದ್‌ ಕೊರೊಡು ಪನ್ದ್‌ ಟೀಮ್ ಅಘೋರ ಉಬಾರ್‌ದ ಅಧ್ಯಕ್ಷೆರ್‌ ಬೊಕ್ಕ ಮಾತಾ ಪದುಕೆರ್‌ ಬಿನ್ನೈತೊಂದೆರ್.
October 17: Inird Ubar’d 2ne Varshoda Gardda ‘Pilipajja’; Shasake Ashok Raiklena Maargadarshanodu Team Aghora Ubar (R) Moklena Pilipajja
Ubar: Marnemi battine Tulunadorme pilik lena aarbhata suru aapundu. Chaaritrika piranile ippuna ee pilinalike parakeda roopoda, gaujida roopoda daanna suru aad, inita dinotu samskruti oripaavuneta ottugu javaneren onji malpuna bele maltondundu. Incheney javaner ottaad samaajaseveg kattodina koota ‘Team Aghora Ubar’ aklena raddane varshoda ‘Pilipajja’n October 17 bokka 18 daani Ubar’da Ullaye Sri Sahasralingeshwarana Delantadeda edurumeyit nadapaavonuller.
17-10-2026ne Shanivara bayya 6:30k udipana aad saamskrutika karyakrama aad raatre 9:30rd oodu suru aapundu. Ee lesg malla binneraad Samsader Captain Brijesh Chouter, Puttur Vidhaana Sabha Kshetrada Shasaker Sri Ashok Kumar Rai, Bolter Vidhaana Sabha Kshetrada Shasaker Sri Harish Poonja, Maaji Shasaker Sri Sanjeeva Mathandur, Hindu Mukhander Sri Arun Kumar Puthila, Pilinalike Prathishtanoda Adhyaksher Sri Mithun M. Rai, Sri Shashidhar B. Shetty Navashakthi Baroda, Puttur Koti Chennaya Jodukare Kambala Samitida Adhyaksher Sri N. Chandrahassa Shetty, Rai Estates Educational & Charitable Trustda Kaaryadhyakshar Sri Sudesh R. Shetty, Sri Sahasralingeshwara Delantadeda Vyavasthaapana Samitida Adhyaksher Sri Radhakrishna Naik paalpadayer uller.
Ee les’d samaajasevaker Sri Eshwar Malpe bokka World Cable Wakeboard & Wakeskate Champion Sri Shreyas Shenava mokleg maanadige nadapere undu. Swara Manmatha V. J. Madhuraj les sudaarme malpuver.
Elle, October 18 daani kaande 8:30 ganted jande meravanige nadapare undu. Ee lesg maaterla battd gendad korodu pand Team Aghora Ubar’da adhyaksher bokka maata paduker binnaitonder.