Last updated on October 18th, 2026 at 05:02 pm
ದೆಲ್ಲಿ, ಅ.18 : ನನ ದುಂಬಗ್ ರಾಷ್ಟ್ರೀಯ ಪೆರ್ಸಾದಿಡ್ ಪೋನಗ ಗಲೇಜಿ ಶೌಚಾಲಯ ತೂಯರ್ನ್ಡ ಮೊಬೈಲ್‌ಡ್ ಫೋಟೋ ಕಲೆದ್ ವರದಿ ಮಲ್ಪುನಕ್ಲೆಗ್ ಎನ್‌ಹೆಚ್‌ಎಐ 1,000 ರೂ. ಕಾಸ್ ಸೇಜ ಕೊರ್ಪುನ ಅಭಿಯಾನ ಸುರು ಮಲ್ದ್‌ಂಡ್.
ಪೆರ್ಸಾದಿ ಪ್ರಯಾಣಿಕೆರೆನ ಪ್ರಯಾಣೊನು ಆರಾಮ ಮಾಲ್ಪೆರ ಬೊಕ್ಕ ಟೋಲ್ ಪ್ಲಾಜಾಲೆಡ್ ಸ್ವಚ್ಛತೆನ್ ಒರಿತೊನರ ಭಾರತೀಯ ರಾಷ್ಟ್ರೀಯ ಪೆರ್ಸಾದಿ ಪ್ರಾಧಿಕಾರ ವಿಭಿನ್ನ ಜಾಗೃತಿ ಅಭಿಯಾನೊನು ಸುರು ಮಲ್ದ್‌ಂಡ್. ಈ ಅಭಿಯಾನೊದ ಪ್ರಕಾರ, ನನ ದುಂಬಗ್ ಗಲೇಜಿ ಶೌಚಾಲಯೊಲೆನ್ ವರದಿ ಮಲ್ಪುನ ಜಾಗೃತ ಪ್ರಯಾಣಿಕೆರೆಗ್ ಇಲಾಖೆನೇ ಕ್ಲೀನ್ ಟಾಯ್ಲೆಟ್ ಪಿಕ್ಚರ್ ಚಾಲೆಂಜ್ ಮುಕೇನ ಕಾಸ್‌ದ ಬಹುಮಾನ ಕೊರ್ರೆ ಉಂಡು.
ಕ್ಲೀನ್ ಟಾಯ್ಲೆಟ್ ಪಿಕ್ಚರ್ ಚಾಲೆಂಜ್ ಟೋಲ್ ಪ್ಲಾಜಾಲೆಡ್ ಗಲೇಜಿ ಶೌಚಾಲಯೊಲೆನ್ ವರದಿ ಮಲ್ಪುನ ಸಾರ್ವಜನಿಕೆರೆಗ್ 1,000 ರೂ. ಸೇಜ ಕೊರೊಂದುಂಡು. ಆಂಡ, ಎನ್‌ಹೆಚ್‌ಎಐ 1,000ರೂ. ನ್ ಕಾಸ್‌ದ ರೂಪೊಡು ಕೊರ್ಪುಜಿ. ಪಗತೆಗ್, ನಿಕ್ಲೆನ ಗಾಡಿದ ಫಾಸ್ಟ್‌ಟ್ಯಾಗ್ ಅಕೌಂಟ್‌ಗ್‌ 1,000 ರೂ. ರೀಚಾರ್ಜ್ ಕ್ರೆಡಿಟ್ ಮಲ್ಪುಂಡು.
ದೂರು ಕೊರ್ಪುನಕುಲು NHAI RajmargYatra ಆಪ್ ಮುಕೇನ ಸೀದಾ ಜಿಯೋ-ಟ್ಯಾಗ್ಡ್ ಬೊಕ್ಕ ಟೈಮ್-ಸ್ಟ್ಯಾಂಪ್ ಇಪ್ಪುನ ಸ್ಪಷ್ಟವಾಯಿನ ಗಲೇಜಿ ಶೌಚಾಲಯೊದ ಫೋಟೋನ್‌ ಕಲೆಯೊಡು. ಈ ಫೋಟೋದ ಒಟ್ಟುಗು ನಿಕ್ಲೆನ ಪುದರ್, ಪತ್ತ ಜಾಗೆ, ಮೊಬೈಲ್ ನಂಬರ್ ಬೊಕ್ಕ ನಿನಿಕ್ಲೆನ ಗಾಡಿದ ರೆಜಿಸ್ಟ್ರೇಶನ್‌ ನಂಬರ್ ಕೊರೊಡು.
ಈ ಸೌಲಭ್ಯ ಕಾಲಿ ಎನ್‌ಹೆಚ್‌ಎಐ ವ್ಯಾಪ್ತಿಗ್ ಬರ್ಪುನ ಬೊಕ್ಕ ಅವು ತೂವೊನುವ ಟೋಲ್ ಪ್ಲಾಜಾ ಶೌಚಾಲಯೊಲೆಗ್ ಮಾತ್ರ ಅನ್ವಯ ಆಪುಂಡು. ಸುರುಕು ಸಮ ಫೋಟೋ ಅಪ್‌ಲೋಡ್ ಮಲ್ತಿನ ಸುರುತ ದೂರುದಾರೆರೆಗ್ ಮಾತ್ರ ಬಹುಮಾನ ಕೊರ್ಪೆರ್. ಇಡೀ ಯೋಜನೆದ ಅವಧಿಡ್ ಒಂಜಿ ಗಾಡಿದ ರೆಜಿಸ್ಟ್ರೇಶನ್‌ ನಂಬರ್‌ಗ್‌ ಕಾಲಿ ಒಂಜಿ ಸರ್ತಿ ಮಾತ್ರ ಬಹುಮಾನ ಗೆಂದೆರೆ ಅವಕಾಶ.
Galeji Shauchalayoda Photo Kaled ₹1,000 Gendle; NHAI Bumper Offer
Delhi, October 18: National Highway-dad poyinaaga galeji shauchalaya tuyernḍ mobile-d photo kaled report malpunakleg NHAI ₹1,000 kaasu seje korpun abhiyana suru maldnd.
Persaadi prayaanikeren prayaanonu aaraama malpere bokka toll plaza-led swachhatene oritondre Bharatiya Rashtriya Persaadi Praadhikaara vibhinnavaayina jaagruthi abhiyanonu suru maldnd. Ee abhiyanoda prakara, namma dumbaaga galeji shauchalayolen report malpuna jaagrutha prayaanikereg department-e “Clean Toilet Picture Challenge” moolaka kaasuda bahumaana korre undu.
“Clean Toilet Picture Challenge” yojaneda adit toll plaza-led galeji shauchalayolen report malpuna sarvajanikeg ₹1,000 seje korondull. Aanda, NHAI ₹1,000-n kaasus roopodu korpuji. Badalga, niklena gaadida FASTag account-g ₹1,000 recharge credit malpundu.
Dooru korpunakulu NHAI RajmargYatra app moolaka seedha geo-tagged bokka time-stamp ippuna spashtavaayina galeji shauchalayoda photone kaleyodu. Ee photoda ottugu niklena pudar, patta jaage, mobile number bokka niklena gaadida registration number korodu.
Ee soulabhya kevala NHAI vyaapthig barpuna bokka aavu nodpuna toll plaza shauchalayoleg maatra anvaya aapundu. Suruku sama photo upload malthina suruta doorudaarereg maatra bahumaana korper. IDe yojaneda avadhid onji gaadida registration number-g kevala onji sarthi maatra bahumaana gendel avakaasha undu.