Last updated on October 19th, 2026 at 12:24 pm
ರಾಮಕುಂಜ: ಶ್ರೀ ಶಾರದೋತ್ಸವ ಸಮಿತಿ, ಶಾರದಾನಗರ ಉಂದೆತ ಮುತಾಲಿಕೆಡ್ 23ನೇ ವರ್ಸೊದ ಶಾರದೋತ್ಸವ ಅಕ್ಟೋಬರ್ 19ರ್ದ್ 21 ಮುಟ್ಟ ಶ್ರೀ ಶಾರದಾಂಬಾ ಭಜನಾ ಮಂದಿರೊಡು ನಡಪರೆಗುಂಡು.
ಅಕ್ಟೋಬರ್ 19, ಸೋಮಾರದಾನಿ
ಬಯ್ಯಡ್ 5:00 ಗಂಟೆಗ್ ಮಂದಿರೊಡು ಭಗವದ್ಗೀತೆ ಪುಸ್ತಕೊದ ಒರುಟು ಅಪ್ಪೆ ಶಾರದೆನ ಪ್ರತಿಷ್ಠೆ ಮಲ್ತ್‌ದ್, ಲೆಪ್ಪು ಕೊರ್ತಿನ ಭಜನಾ ಮಂಡಳಿಲೆನ ಭಜನೆ, ರಾತ್ರೆ 8 ಗಂಟೆರ್ದ್ ಕೈತಲ್ದ ಜೋಕುಲೆನ ಸಾಂಸ್ಕೃತಿಕ ಕಾರ್ಯಕ್ರಮ ನಡಪರೆಗುಂಡು.
21ನೇ ಅಂಗಾರೆದಾನಿ ಕಾಂಡೆ ವಾಹನ ಪೂಜೆ, ಮಾರಿ ಚಾಮುಂಡಿ, ಗುಳಿಗ ದೈವೊಲೆಗ್ ತಂಬಿಲ ನಡಪರೆಗುಂಡು. 11 ಗಂಟೆರ್ದ್ ವಾಲಿಬಾಲ್ ಗೊಬ್ಬು ನಡಪರೆಗುಂಡು.
ಮಧ್ಯಾಹ್ನ 12:30ಕ್ ಮಹಾಪೂಜೆ, ಪ್ರಸಾದ ಭೋಜನ ನಡಪುಂಡು. ಬಯ್ಯಡ್ 5 ಗಂಟೆರ್ದ್ ಸಾಮೂಹಿಕ ದುರ್ಗಾಪೂಜೆ ನಡಪರೆಗುಂಡು. ರಾತ್ರೆ 7 ಗಂಟೆರ್ದ್ ಬೆದ್ರದ ಪಿಂಗಾರ ಕಲಾವಿದೆರೆನ ‘ಓಂಕಾರ’ ಪನ್ಪಿ ತುಳು
ಭಕ್ತಿಪ್ರಧಾನ ಕುಸಲ್ದ ನಾಟಕ ನಡಪರೆಗುಂಡು.
ತೇದಿ 21ನೇ ಬುದಾರದಾನಿ ಕಾಂಡೆ 9 ಗಂಟೆರ್ದ್ ಸರಸ್ವತಿ ಪೂಜೆ, ವಿದ್ಯಾರಂಭ, ಭಜನೆ ಆದ್ ಮಹಾಪೂಜೆ ನಡಪರೆಗುಂಡು. ಅವೇ ದಿನ ಕಾಂಡೆ 10 ಗಂಟೆರ್ದ್ ಜೋಕುಲು, ಜವನೆರ್, ಪೊಂಜೊವುಲೆಗ್ ಬೇತೆ ಬೇತೆ ಗೊಬ್ಬುಲೆನ ಅಟ್ಟನೆ ಆತ್ಂಡ್.
ಬಯ್ಯ 4:30 ರ್ದ್ ಭಗವದ್ಗೀತೆ ಮಸ್ತಿರೆದ ಒರುಟು ಅಪ್ಪೆ ಶಾರದೆನ ಪಲ್ಲೆಂಕಿ ಮೆರವಣಿಗೆ ನಡಪರೆಗುಂಡು.
ಈ ಮಾತ ಕಾರ್ಯಕ್ರಮೊಲೆಡ್ ಭಕ್ತೆರ್ ಭಕ್ತಿಪೂರ್ವಕವಾದ್ ಪಾಲ್‌ಪಡೆದ್ ಅಪ್ಪೆ ಶಾರದೆನ ಆಶೀರ್ವಾದ ಗೆತೊನೊಡು ಪಂದ್ ಉತ್ಸವ ಸಮಿತಿ ತೆರಿಪಾದ್ಂಡ್.