Last updated on October 27th, 2026 at 03:14 pm
ಬೋಲ್ತೇರ್, ಅಕ್ಟೋಬರ್ 27: ಧರ್ಮಸ್ಥಳದ ಸೌಜನ್ಯಾನ್ ಅತ್ಯಾಚಾರ ಮಲ್ತ್‌ದ್ ಕೆರ್ತಿನ ಪ್ರಕರಣೊದ ಮಗ್‌ರ್‌ಜಡ್ತೆ ಮಲ್ತೊಂದುಪ್ಪುನ ವಿಶೇಷ ಜಡ್ತೆ ಕೂಟ (SIT) ಜೋರುಡೆ ಕಾರ್ಯಾಚರಣೆಗ್ ಜತ್ತ್‌ದ್ಂಡ್. ಪ್ರಕರಣೊದ ಸುರುತ ನಿಲವುಡು ಜಡ್ತೆ ಮಲ್ದಿನ ಮಾಜಿ ಪೊಲೀಸ್ ಅಧಿಕಾರಿಲು ಬೊಕ್ಕ ಸಿಬ್ಬಂದಿಗ್ ಎಸ್‌ಐಟಿ ಇತ್ತೆ ಸಮನ್ಸ್/ನೋಟಿಸ್ ಜಾರಿ ಮಲ್ದ್ಂಡ್. 2012ಟ್ ಬೋಲ್ತೇರ್ ಪೊಲೀಸ್ ಸ್ಟೇಶನ್ ಸೀಮೆಡ್ ನಡತಿತ್ತಿನ ಈ ಭೀಕರ ಅತ್ಯಾಚಾರ ಮಲ್ತ್ ಕೇರ್ತಿನ ಪ್ರಕರಣೊದ ಸುರುತ ಜಡ್ತೆ ಮಲ್ದಿನ ಮುಲ್ಪದ ಪೊಲೀಸೆರ್, ಸಿಐಡಿ ಬೊಕ್ಕ ಸಿಬಿಐ ಜಡ್ತೆ ಕೂಟೊಡು ಇತ್ತಿನ 15 ರ್ದ್‌ಲಾ ಎಚ್ಚ ಅಧಿಕಾರಿಲು ಬೊಕ್ಕ ಸಿಬ್ಬಂದಿಗ್ ವಿಚಾರಣೆಗ್ ಬರ್ಯೆರ ನೋಟಿಸ್ ಕೊರ್ತೆರ್.
CRPC ಸೆಕ್ಷನ್ 160ದ ಅಡಿ ಟ್ ನೋಟಿಸ್ ಜಾರಿ:
ಸಿಆರ್‌ಪಿಸಿ (CrPC) ಸೆಕ್ಷನ್ 160ದ ಅಡಿಟ್ ವಿಚಾರಣೆಗ್ ತಪ್ಪಂದೆ ಬರ್ಯೆರ ಎಸ್‌ಐಟಿ ಅಧಿಕಾರಿಲು ಸೂಚನೆ ಕೊರ್ತೆರ್.
ನೋಟಿಸ್ ತಿಕ್ಕ್‌ದಿನಕುಲು:
ಅಪಗದ ಬೋಲ್ತೇರ್ ಸ್ಟೇಶನ್ ಇನ್ಸ್‌ಪೆಕ್ಟರ್: ಭಾಸ್ಕರ್ ರೈ
ಅಪಗದ ಪಿಎಸ್‌ಐ: ಯೋಗೀಶ್
ಸಿಐಡಿ ತನಿಖಾಧಿಕಾರಿ: ಡಿವೈಎಸ್‌ಪಿ ರುದ್ರಮುನಿ
ಈತೇ ಅತ್ತಂದೆ, ಅಪಗದ ಬೋಲ್ತೇರ್ ಸ್ಟೇಶನ್‌ಡ್ ಇತ್ತಿನ ಸಿಬ್ಬಂದಿಗ್ಲಾ ವಿಚಾರಣೆದ ಬೆಚ್ಚ ಮುಟ್ಟುದುಂಡು. ಅಪಗದ ಎಎಸ್‌ಐ ಕಲೈಮಾರ್, ಮಹಿಳಾ ಹೆಡ್ ಕಾನ್ಸ್‌ಟೇಬಲ್ ಸವಿತಾ ಶೆಟ್ಟಿ ಬೊಕ್ಕ ಸಿಬ್ಬಂದಿ ಸುಂದರ್ ಶೆಟ್ಟಿ, ಕೃಷ್ಣ, ರಿಷಬ್, ನವೀನ್ ಬೊಕ್ಕ ಭಾಸ್ಕರ್ ಮೊಕ್ಲೆಗ್ಲಾ ಎಸ್‌ಐಟಿ ನೋಟಿಸ್ ಕೊರ್ದಿತ್ತ್‌ದ್, ಜಡ್ತೆ ಪ್ರಕ್ರಿಯೆಡ್ ಅಕಲೆನ ಸ್ಟೇಟ್‌ಮೆಂಟ್ ದಾಕಲಾವರೆ ಉಂಡು.
ಪ್ರಕರಣೊದ ಸುರುತ ಮಹಜರ್, ಸಾಕ್ಷ್ಯಾಧಾರೊಲೆನ್ ಒಟ್ಟುಮಲ್ದಿನ ಬೊಕ್ಕ ತನಿಖಾ ಲೋಪಲೆನ ಬಗೆಟ್ ಕುಡೊರ ಪರಿಶೀಲನೆ ಮಲ್ಪೆರ ಎಸ್‌ಐಟಿ ನಿರ್ಧಾರ ಮಲ್ತ್‌ದ್ಂಡ್. ಅಂಚಾದ್ ಸಿಐಡಿ ಬೊಕೂ ಸಿಬಿಐ ನಿಲವುಡು ಬೇಲೆ ಮಲ್ತಿತ್ತಿನ ಬೇತೆ ಉನ್ನತ ಅಧಿಕಾರಿಲೆಗ್ಲಾ ನನದ ದಿನೊಟು ನೋಟಿಸ್ ಬರ್ಪುನ ಸಾಧ್ಯತೆ ಉಂಡು ಪನ್ದ್ ಮೂಲೊಲೆರ್ದ್ ತೆರಿದ್ ಬೈದ್ಂಡ್.
Dharmasthalada Soujanya Case-da Joru Investigation Maltonduppuna SIT; Dumbu Dina Investigation Adhikaarilu Serd 15-rdla Echcha Police Adhikaarileg Notice!
Bolter, October 27: Dharmasthalada Soujanyan atyachaara malt’d kerthina prakaranoda maru investigation maltonduppuna vishesha investigation team (SIT) jorodu kaaryaacharaneg jattdnd. Prakaranoda suruta investigation maltina maaji police adhikaarilu bokka staff-g SIT itte summons/notice jaari maldnd. 2012-d Bolter Police Station seemed nadatittina ee bheekara atyachaara malt kerthina prakaranoda suruta investigation maltina mulpada police’r, CID bokka CBI investigation teamodu ittina 15-rdla echcha adhikaarilu bokka staff-g vichaaraneg baryere notice korter.
CrPC Section 160-da adit notice jaari:
CrPC Section 160-da adit vichaaraneg tappande baryere SIT adhikaarilu soochane korter.
Notice tikkdinaakulu:
– Appagada Bolter Station Inspector: Bhaskar Rai
– Appagada PSI: Yogeesh
– CID investigation officer: DySP Rudramuni
Itte attanda, appagada Bolter Station-d ittina staff-gla vichaaraneda bechcha muttundu. Appagada ASI Kalaimaar, mahila head constable Savitha Shetty bokka staff Sundar Shetty, Krishna, Rishab, Naveen bokka Bhaskar moklegla SIT notice kordittd, investigation prakriyed aklena statement daaklaavare undu.
Prakaranoda suruta mahazar, saakshyaadhaaraolene ottu maltina bokka investigation lopolena baget kudora parishilane malpere SIT nirdhaara maltnd. Anchaad CID bokka CBI nilavudu beele maltittina beete unnatha adhikaarilegla nanada dinotu notice barpuna saadhyathe undu pand moololend terid baidnd.