Last updated on October 31st, 2022 at 06:29 pm
ಈತ್‌ನೇಟ ಮಲ್ಲ ಮಲ್ಲ ಪೇಂಟೆಲೆಡ್ ನಡತೊಂದಿತ್ತಿನ ಗಾಂಜಾದ ವೈವಾಟ್ ಇತ್ತೆ ಕಡಬದಂಚಿನ ಪೇಂಟೆಲೆಗ್ಲಾ ಎತ್ತ್‌ದ್ಂಡ್. ಕಡಬಡ್ ಗಾಂಜಾ ಇಸಯೊಡು ರಡ್ಡ್ ಜನೊನು ಅರೆಸ್ಟ್ ಮಲ್ದಿನ ಪೋಲೀಸ್ ನೆತ್ತ ಬೆರಿಯೆ ಇಪ್ಪುನಕ್ಲೆನ್ ನಾಡೊಂದುಲ್ಲೆರ್.
ಕಡಬ ಎಸ್‌ಐ ಆಂಜನೇಯ ರೆಡ್ಡಿ ಕಳಾರ ದೈಟೆ ಪೋವೊಂದುಪ್ಪುನಗ ಪಲ್ಲಿದ ಬರಿತ ಅಂಗಡಿದಲ್ಪ ಅಮಲ್ ಆದ್ ಮಾಲೊಂದುಪ್ಪುನಾಯನ್ ಪತ್ತ್‌ದ್ ಪರೀಕ್ಷೆ ಮಲ್ತ್‌ದಾನಗ ಗಾಂಜಾ ಒಯ್ತಿನ ತೆರಿದ್ ಆತ್ಂಡ್.
ನನೊಂಜಿ ಪ್ರಕರಣ ಮರ್ದಾಳಡ್ ನಡತಿನವು. ಮರ್ದಾಳ ಪಲ್ಲಿದ ಬರಿಟ್ ಅಮಲ್‌ಡ್ ಮಾಲೊಂದುಪ್ಪುನ ಜನತ ಬಗ್ಗೆ ಮುಟ್ಟದಕ್ಲ್ ಕೊರ್ನ ದೂರುದ ಪಿರ್ಕಾರ ಪೋಲೀಸ್ ಪೋದು ಆಯನ್ ಪತ್ತ್‌ದ್ ಪರೀಕ್ಷೆ ಮಲ್ತಾನಗ ಆಯೆಲಾ ಗಾಂಜಾದ ಅಮಲ್‌ಡ್ ಇಪ್ಪುನ ತೆರಿದ್ಂಡ್.
ಅರೆಸ್ಟ್ ಆತಿನ ರಡ್ಡ್ ಜನೊನು ಬಂಟ್ರಪಿಲಿಮಜಲ್ ಮರುವಂತಿಲದ ಮೊಹಮ್ಮದ್ ಶಾಫಿ(35) ಬೊಕ್ಕ ಕಳಾರ ಕಾಲನಿದ ಮಹಮ್ಮದ್ ತ್ವಾಹ(18) ಪಂದ್ ಗುರ್ತ ಪತ್ತ್‌ದೆರ್. ಮೊಕುಲು ಕೊರ್ನ ಒಲವುದಂಚ ದುಂಬುದ ಜಡ್ತೆ ನಡತೊಂದುಂಡು. ಗ್ರಾಮೀಣ ಭಾಗೊಗು ಬತ್ತಿನ ಈ ಗಾಂಜಾ ಮಾಫಿಯಾನ್ ಉಂತಾಯೆರ ಬೋಡಾದ್ ನೈಟ್‌ರೌಂಡ್‌ನ್ ನನಲಾತ್ ಟೈಟ್ ಮಲ್ದ ಪಂದ್ ಕಡಬ ಪೋಲೀಸ್ ತೆರಿಪಾದೆರ್.