Last updated on October 31st, 2026 at 05:12 pm
ಕುಡ್ಲ, ಅ.31: ಕೊಟ್ಟಾರದ ಇನ್ಫೋಸಿಸ್‌ ಟೆಕ್‌ ಪಾರ್ಕ್‌ ಅಸ್ತಿನ್ ರಿಯಲ್‌ ಎಸ್ಟೇಟ್‌ ಸಂಸ್ಥೆ ಮುಕುಂದ್ ರಿಯಾಲ್ಟಿ ಸ್ವಾಧೀನ ಮಲ್ತೊಂದುಂಡು. ಶುಕ್ರವಾರ ಬಯ್ಯಡ್ ಈ ಕಟ್ವಾನೊನು ಮುಕುಂದ್ ರಿಯಾಲ್ಟಿ ಬ್ರಾಂಡ್‌ ನೇಮ್‌ ದ ಒಟ್ಟುಗು ಲೋಕೊದೆದುರು ಕನತೆರ್.
ಕರ್ಣಾಟಕ ಬ್ಯಾಂಕ್‌ ಜನರಲ್‌ ಮ್ಯಾನೇಜರ್‌ ಚಂದ್ರಶೇಖರ್‌ ಅನಾವರಣ ಮಲ್ತೆರ್. ಮುಕುಂದ್ ರಿಯಾಲ್ಟಿಯ ಮ್ಯಾನೇಜಿಂಗ್‌ ಪಾರ್ಟ್‌ನರ್ ಗುರುದತ್‌ ಶೆಣೈ, ಮಹೇಶ್‌ ಶೆಟ್ಟಿ ಬೊಕ್ಕ ಮಂಗಲದೀಪ್‌ ಎ. ಆರ್‌ ಒಟ್ಟುಗಿತ್ತೆರ್.
ಈ ಇನ್ಪೋಸಿಸ್‌ ಟೆಕ್‌ ಪಾರ್ಕ್‌ ಅಸ್ತಿದ ಪಗಪುನ ಬೊಕ್ಕ ಒಪ್ಪಂದೊದ ಪ್ರಕ್ರಿಯೆಲು ಅ.23 ತಾನಿ ಅಧಿಕೃತವಾದ್ ಮುಗಿದಿತ್ತ್ಂಡ್. ಮುಲ್ಪ ಒಟ್ಟು 2.75 ಎಕರೆ ಜಾಗೆ ಇತ್ತ್‌ದ್, ಅತ್ಯಾಕರ್ಷಕ ಕಟ್ವಾನೊದ ಒಟ್ಟುಗು ಪಾಕ ವರ್ಸೊರ್ದಿಂಚಿ ಪೇಂಟೆದ ಪ್ರಮುಖ ಅಕರ್ಷಣೆ ಆದುಂಡು. ಮುಕುಂದ್ ರಿಯಾಲ್ಟಿ ಈ ಅಸ್ತಿನ್ ಸ್ವಾಧೀನ ಮಲ್ತಿಬೊಕ್ಕ ಐಟಿ ಸೇರ್ದ್ ತಂತ್ರಜ್ಞೆರ್, ಪ್ರೊಫೆಶನಲ್ಸ್‌ಗ್ ವರ್ಕ್‌ ಸ್ಪೇಸ್‌ ಕೊರ್ಪುನ ಉದ್ದೇಶ ದೀವೊಂದುಂಡು.
ಸಿಲಿಕಾನ್‌ ಬೀಚ್‌ ಪ್ರಾಜೆಕ್ಟ್‌ ಬೊಕ್ಕ ಬ್ಯಾಕ್‌ ಟು ಊರು ಕಾರ್ಯಕ್ರಮೊಲೆಗ್ ಬೆರಿತಾಂಗ್ ಕೊರ್ಪುನ ಉದ್ದೇಶೊಡು ಈ ಪೊಸ ಮೂಲಸೌಕರ್ಯೊನು ಒದಗಾವೊಂದುಂಡು. ಇಂದೆರ್ದಾವರ ಪಿದಯಿ ಊರುಡು ಬೆನ್ಪುನ ಮುಲ್ಪದ ತಂತ್ರಜ್ಞೆರ್ ಬೊಕ್ಕ ವೃತ್ತಿಪರೆರ್ ಕುಡ ಸ್ವಂತ ಊರ್‌ಗ್ ಬತ್ತ್‌ದ್ ಬೇಲೆ ಮಲ್ಪೆರೆ ಅನುಕೂಲ ಆಪುಂಡು. ಮುಕುಂದ್ ರಿಯಾಲ್ಟಿ ಅಂಗ ಸಂಸ್ಥೆ ವರ್ಟೆಕ್ಸ್‌ ವರ್ಕ್‌ ಸ್ಪೇಸಸ್‌ ಮುಕೇನ ಇಂದೆನ್ ಮಲ್ಪಾವೆರ್. ಇತ್ತೆ ಮುಲ್ಪ 1200 ಸೀಟಿಂಗ್‌ ಸಾಮರ್ತಿಗೆ ಉಂಡು, ಇಂದೆನ್ 2000 ಗ್ ಏರ್ಪುವ ಪನ್ದ್ ಗುರುದತ್‌ ಶೆಣೈ ತೆರಿಪಾದೆರ್.
Kudla: Kottara Infosys Tech Park Aasti Mukund Realty-da Swaadheenogu – IT Samstheleg Workspace Korpuna Uddesha
Kudla, October 31: Kottarada Infosys Tech Park aastin real estate samsthe Mukund Realty swaadheena maltondull. Shukravaara bayyad ee kattavanon Mukund Realty brand name-da ottugu lokodederu kanatter.
Karnataka Bank General Manager Chandrashekar anaavarana malter. Mukund Realty-da Managing Partner Gurudath Shenoy, Mahesh Shetty bokka Mangaladeep A. R. ottugitter.
Ee Infosys Tech Park aastida pagapuna bokka oppandoda prakriyelu October 23-taani adhikrutavaad mugidittnd. Mulp ottu 2.75 acre jaage ittd, athyaakarshak kattavanoda ottugu paaka varshordinchi petteda pramukha aakarshane aadund. Mukund Realty ee aastin swaadheena maltibokka IT serd tantrajner, professionals-g workspace korpuna uddesha deevondull.
Silicon Beach Project bokka Back to Ooru kaaryakramoleg berithaang korpuna uddeshodu ee posa moolasoukaryon odagavondull. Inderdaavara pidayi oorudu benpuna mulpada tantrajner bokka vrutthiparer kud swantha oorg battd beele malpere anukoola aapund.
Mukund Realty-anga samsthe Vertex Workspaces moolaka inden malpaaver. Itte mulp 1,200 seating saamarthyag undu, inden 2,000-g eerpuna pand Gurudath Shenoy teripaader.