Last updated on November 2nd, 2022 at 07:33 am
ಪುತ್ತೂರು: ಪೊಸತಾದ್ ಉಂಡು ಮಲ್ದಿನ ಕಡಬ ತಾಲೂಕ್ ಕೇಂದ್ರೊರ್ದ್ ಪುತ್ತೂರ್ ತಾಲೂಕ್ ಕೇಂದ್ರೊಗು ಮುಟ್ಟೊಡು ಇಪ್ಪುನ ಪಾಲ್ತಾಡಿ ಗ್ರಾಮೊನು ಕಡಬದೊಟ್ಟು ಗೋಡ್ಯಾದುಪ್ಪುನೆನ್ ಕೈ ಬುಡ್ದ್ ಪಿದ ಪುತ್ತೂರ್‌ದೊಟ್ಟು ಗೋಡ್ಯಾವೊಡು ಪಂದ್ ಅಕ್ಟೋಬರ್ 31ಕ್ ಪುತ್ತೂರ್ ತಾಲೂಕ್ ಆಡಳಿತ ಸೌಧೊದ ಎದ್‌ರ್ ಮಂಗಲ್‌ಪಾಂಡೆ ಸ್ಕ್ವೇರ್‌ಡ್ ಪ್ರತಿಭಟನೆ ನಡತ್ಂಡ್.
ಪಾಲ್ತಾಡಿರ್ದ್ ಕಡಬರ್ದ್ ಇಪ್ಪುನ ದೂರೊರ್ದ್ ಪುತ್ತೂರ್‌ಗ್ ಇಪ್ಪುನ ದೂರ ಮಸ್ತ್ ಕಮ್ಮಿ. ಕಡಬ ಪೋದು ಬರ್ರ ಇಡೀ ದಿನ ಬೋಡು ಬಸ್ ವೆವಸ್ತೆಲ ಸಮದಾಂತಿನೆರ್ದಾವರ ಬೊಕಲಾ ಬಂಙ ಪಂದ್ ಪ್ರತಿಭಟಕೆರ್ ಪನೊಂದುಲ್ಲೆರ್.
ಉಂದೊಂಜಿ ಅವೈಜ್ಞಾನಿಕವಾದ್ ಪಟ್ಟ್‌ದ್ ಪೋತಿನ ಇಸಯ. ಎಂಕ್ಲ ಕೇಂದಿನವು ಎತ್ತುನೇಟ ಚುನಾವಣೆ ಬಹಿಷ್ಕಾರ ಪಾಡುವ ಪಂದ್‌ಲಾ ಪಂಡೆರ್.
ದೇಸೊದ ಕೊಡಿ ಪತೊಂದು ನಡತಿನ ಈ ಪೊರ್ಮ್ಬುಗ್ ಕಾರ್ಮಿಕ ಸಂಘೊದಕ್ಲ್ ತಾಂಗ್ ಕೊರ್ಯೆರ್.