ಚಾಕ್ಲೇಟ್ ಕಂಡಿನ ವೀಡಿಯೋ ವೈರಲ್: ಬೇಜಾರ್‌ಡ್ ಜೂವ ದೆತೊಂಡಿನ ಪೊಣ್ಣು

Last updated on November 2nd, 2022 at 09:16 am

ಬಜ್ಜೈಗ್ ಪೋತಿನ ಮಾನ ಬಂಗಾರ್ ಕೊರ್ನ್ಡಲಾ ಬರಂದ್ ಪನ್ಪಿಲೆಕ್ಕ ಒಂಜಿ ಚಾಕ್ಲೇಟ್‌ ಕಂಡಿನ ವೀಡಿಯೋ ವೈರಲ್ ಆದ್ ನನ ಏರೆಗ್ಲಾ ಮೋನೆ ಎಂಚ ತೋಜಾವುನ ಪಂದ್ ಪೊಣ್ಣೊರ್ತಿ ಬಲ್ಲ್ ದೆತೊಂದಿನ ಘಟನೆ ಪಶ್ಚಿಮ ಬಂಗಾಳೊದ ಆಲಿಪುರ್ದರ್ ಗ್ರಾಮೊಡು ನಡತ್ದ್ಂಡ್.

ಪಲಿನೊಟ್ಟು ಶಾಪಿಂಗ್ ಮಾಲ್ ಪೋದಿತ್ತಿನ ಡಿಗ್ರಿ ಕಲ್ತೊಂದಿತ್ತಿನ ಪೊಣ್ಣು, ಚಾಕ್ಲೇಟ್ ಕಂಡಿನ ವೀಡಿಯೋ ಮಾಲ್‌ದ ಸಿಸಿ ಕ್ಯಾಮೆರಾಡ್ ರೆಕಾರ್ಡ್ ಆದಿತ್ತ್ಂಡ್. ಈ ವೀಡಿಯೋ ಬಲೆತ್ತಾನೊಡ್ ವೈರಲ್ ಆಯಿನೇ ತನ್ನ ಮರ್ಯಾದಿ ಮಾತ ಪೋಂಡು ಪಂದ್ ಪೊಣ್ಣು ಬಲ್ಲ್ ದೆತೊಂದಲ್. ಮುಲ್ಪದಕುಲು ವೀಡಿಯೋ ಪಿದಯಿ ಬುಡ್ದ್ ಒಂಜಿ ಸಾವುಗು ಕಾರಣ ಆಯಿನಕ್ಲೆನ್ ಮಿತ್ತ್ ಕ್ರಮ ದೆತೊನೊಡು ಪಂದ್ ಪ್ರತಿಭಟನೆ ಮಲ್ತೆರ್. ಪೋಲೀಸ್ ಬತ್ತ್‌ದ್ ಜಡ್ತೆ ಮಲ್ದೆರ್.