Last updated on November 5th, 2022 at 09:10 am
ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿಲು ನವೆಂಬರ್ 7 ಬೊಕ್ಕ 8 ಗ್ ಒಡಿಪುಗ್ ಬರೊಂದುಲ್ಲೆರ್ ಪಂದ್ ತೆರಿದ್‌ಬೈದ್ಂಡ್.
ನವೆಂಬರ್ 7 ಕ್ ಕಾಂಡೆ 10:30ಕ್ ಆದಿ ಒಡಿಪುದ ಹೆಲಿಪ್ಯಾಡ್‌ಗ್ ಬತ್ತ್‌ದ್, ಅಲ್ಪರ್ದ್ 11 ಗಂಟೆಗ್ ಕಾಪುಡ್ ನಡಪುನ ಜನಸಂಕಲ್ಪ ಕಜ್ಜೊಡು ಪಾಲ್‌ಪಡೆವರ ಉಲ್ಲೆರ್. ಮದ್ಯಾನ 2 ಗಂಟೆಗ್ ಎಂಜಿಎಂ ಕಾಲೇಜ್‌ಡ್ ನಡಪುನ ಪೆರಿಯ ಪತ್ರಕರ್ತೆರೆ ಶತಮಾನೋತ್ಸವ ಸಂಸ್ಮರಣೆ ಕಜ್ಜೊಡು ಪಾಲ್‌ಪಡೆಪೆರ್.
ಬಯ್ಯಡ್ 3:45ರ್ದ್ ಕುಂದಾಪುರೊದ ಮುಳ್ಳಿಕಟ್ಟೆಡ್ ಒಡಿಪು ಜಿಲ್ಲಾಡಳಿತೊರ್ದ್ ಅಟ್ಟಣೆ ಆತಿನ ಬೈಂದೂರು ವಿಧಾನಸಭಾ ಕ್ಷೇತ್ರೊದ ಬೇತೆ ಬೇತೆ ಬುಲೆಚ್ಚಿಕಜ್ಜೊಲೆಗ್ ಕಲ್ಲ್ ಪಾಡುನ ಅಂಚೆನೇ ಆತಿನೆತ ಉದಿಪನ ಮನ್ಪೆರಗುಲ್ಲೆರ್. ಆನಿ ಒಡಿಪುಡೇ ಉಂತುವೆರ್ ಪಂದ್ ತೆರಿದ್ ಬೈದ್ಂಡ್.
ಬರ್ಪಿ ವರ್ಸೊಡು ಎಲೆಕ್ಷನ್ ಇಪ್ಪುನೆರ್ದಾವರ ಈ ಪ್ರವಾಸ ತುಳುಬಾಸೆದ ಮಾನಾದಿಗೆದ ದಿಟ್ಟಿಡ್ಲಾ ಬಾರಿ ಮಹತ್ವ ಪಡೆದುಂಡು. ಕೆಲ ತುಳುಪರ ಸಂಘಟನೆಲು ಈ ಪೊರ್ತುಡು ಕುಡೊರ ಮುಖ್ಯಮಂತಿರ್ಲೆನ್ ಭೇಟಿ ಆದ್ ತುಳುಬಾಸೆದ ಮಾನಾದಿಗೆದ ಬಗ್ಗೆ ಕೇನೊಡು ಪಂದುಲ್ಲೆರ್ ಪಂದ್ ತೆರಿದ್‌ಬೈದ್ಂಡ್.