ಕುಡ್ಲದ ‘ಆಟೋರಾಜೆ’ ಮೋಂತೊ ಲೋಬೋ ತೀರ್ಯೆರ್

Last updated on November 6th, 2022 at 06:43 pm

ಪ್ರಾಯ 86 ಆಂಡಲಾ ಜಕ್ಕ ಜವನೆರೆ ಉಮೇದ್ ಪತೊಂದು ಕಂಕನಾಡಿರ್ದ್ ರಿಕ್ಷಾ ಬುಡೊಂದಿತ್ತಿನ ವೆಲೆನ್ಸಿಯಾದ ಮೋಂತೊ ಲೋಬೋ ಸನಿಯಾರ ತೀರ್ಯೆರ್.

ಮೆರೆನ ಸಮಾಜಸೇವೆ ಯನ್ ತೂದು ಭಾರತೀಯ ಗಾಡಿ ಬುಡ್ಪುನಕ್ಲೆ ವೈವಾಟ್ ಯೂನಿಯನ್ ‘ಸಾರಥಿ ನಂ.1’ ಮಾನಾದಿಗೆ ಕೊರ್ದಿತ್ತ್ಂಡ್.

‘ತುಳುನಾಡ ಸಿರಿ’ ಪಂದ್ ರಿಕ್ಷಾಡ್ ಬರಘಪದ್ 50 ವರ್ಸೊರ್ದುಲಾ ಎಚ್ಚ ರಿಕ್ಷಾ ಬುಡೊಂದಿತ್ತೆರ್ನ್ಡಲಾ ಮೆರೆನ ಮಿತ್ತ್ ಒಂಜೇ ಒಂಜಿ ಪೊಲೀಸ್ ಕೇಸ್ ಆವಡ್, ಆಕ್ಸಿಡೆಂಟ್ ಆವಡ್ ಆತಿಜಿ.

1957 ಡ್ರೈವಿಂಗ್ ಲೈಸೆನ್ಸ್ ಪಡೆಯೊಂದಿನ ಮೇರ್ ಲೈಸೆನ್ಸ್ ಪಡೆತಿನ ಕುಡ್ಲದ ಸುರೂತ ಡ್ರೈವರ್ನಕ್ಲೆಡ್ ಒರಿ.

ಮೇರ್ ನೀರ್‌ದ ನಲ್ಲಿಲೆನ ವೆವಸ್ತೆ, ಸಾಲೆಲೆಗ್ ಪರ್ಪುನ ನೀರ್‌ದ ವೆವಸ್ತೆ, ಆಸ್ಪತ್ರೆಲೆಗ್, ಸಾಲೆಲೆಗ್ ಕಂಪ್ಯೂಟರ್, ಜೋಕುಲೆಗ್ ಯೂನಿಫಾರ್ಮ್, ಜೋಡು, ಕುಂಟು, ವನಸ್‌ದ ವೆವಸ್ತೆ ಮಲ್ತ್‌ದ್ ಸಮಾಜ ಸೇವೆ ಮಲ್ತೊಂದಿತ್ತೆರ್.