Last updated on November 9th, 2022 at 10:00 am
ಬುದಾರ ಕಾಂಡೆ ನೇಪಾಳೊಡು 6.3 ರಿಕ್ಟರ್ಸ್ ಗಾತಿದ ಭೂಕಂಪದ ವರದಿ ಅತ್ಂಡ್. ಭಾರತೊದ ರಾಜಧಾನಿ ದೆಲ್ಲಿಡ್ಲಾ ಈ ಭೂಕಂಪೊದ ಅನುಭವ ಆತ್ಂಡ್.
ಪೊರ್ತು ಉದೀಪರೆ ದುಂಬೇ ನಡತಿನ ಈ ಭೂಕಂಪ 6.3 ರಿಕ್ಟರ್ಸ್ ಇತ್ತ್ಂಡ್ ಪಂದ್ ಭೂಕಂಪಶಾಸ್ತ್ರದ ರಾಷ್ಟ್ರೀಯ ಕೇಂದ್ರ ಪಂತ್ಂಡ್. ಈ ಭೂಕಂಪೊಗು ಆಜಿ ಜನ ಬಲಿಯಾತೆರ್‌. ನೆಟ್ಟ್ ಮೂಲ ನೇಪಾಳದ ಗಡಿಟುಪ್ಪುನ, ಉತ್ತರಾಖಂಡೊದ ಪಿತೋರ್‌ಗಢ್‌ರ್ದ್ ಮೂಡುತೆಂಕಾಯಿ ಮೆಯಿಟ್ 90 ಕಿ.ಮೀ ದೂರೊದ ಒಂಜಿ ಜಾಗೆ ಪಂದ್ ತೆರಿದ್ ಬೈದ್ಂಡ್.
ನೇಪಾಳೊಡು 24 ಗಂಟೆದ ಉಲಯಿ ನಡತಿನ ರಡ್ಡನೇ ಭೂಕಂಪ ಉಂದಾದುಂಡು. ಅಂಗಾರೆಲಾ 4.5 ರಿಕ್ಟರ್ಸ್‌ದ ಭೂಕಂಪ ಆದಿತ್ತ್ಂಡ್. ದೂರೊದ ದೆಲ್ಲಿ ಮುಟ್ಟಲಾ ನೆತ್ತ ಅನುಭವ ಆತಿನೆರ್ದಾವರ ಅಂಚೆನೇ ಚಂದ್ರಗ್ ಕೆರನ ಪತ್ತಿನ ಮನದಾನಿಯೇ ಇಂಚ ನಡತಿನೆರ್ದ್ ಜನ ಪೋಡಿದೆರ್.