‘ಎಂಕುಲು ದಾದ ಪನ್ಪನಾ ಅವೆನ್ ಮಲ್ಪುವ’ : ಅರವಿಂದ ಕೇಜ್ರಿವಾಲ್

Last updated on November 12th, 2022 at 08:14 am

ದೆಲ್ಲಿದ ನಗರ ಪಾಲಿಕೆದ ಚುನಾವಣೆ ಕೈತಲ್ ಬರೊಂದಿಪ್ಪುನಗ ದೆಲ್ಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್ 10 ಪೊಸ ವಿಸಯೊಲೆನ್ ಘೋಷಣೆ ಮಲ್ದೆರ್. ಎಂಕುಲು ದಾದ ಮಲ್ಪುವ ಪನ್ಪನಾ ಅವೆನ್ ಮಲ್ತ್ ತೋಜಾವ. ಬೇತೆಕುಲು ಮಲ್ಪುವ ಪನ್ದ್ ಭರವಸೆ ಕೊರ್ದು ಒರ ಓಟುಡು ಗೆಂದಿನೆ ಬೊಕ್ಕ ಅವೆನ್ ಕೋಂಟುಗು ಎತ್ತಾವೆರ್. ಬಿಜೆಪಿದಕುಲು ದೆಲ್ಲಿ ಪಾಲಿಕೆದ ಕಜವುದ ಸಮಸ್ಯೆನ್ ಸಮ ಮಲ್ಪರೆ ಕೇಂದ್ರೊರ್ದು ಪನವು ಕನ್ಪೆ ಪನ್ದಿತ್ತೆರ್, ಓಲುಂಡು ಅವ್? ಅಕಲೆಗ್ ಬರ್ಪಿ ಓಟುಡು 20ರ್ದ್ ಮಿತ್ತ್ ಸೀಟ್ ಬರಂದ್ ಪನ್ದ್ ಪಂಡೆರ್.

ಎಂಕುಲು ನಗರೊನು ಪೊರ್ಲು ಮಲ್ಪುವ, ಅಲ್ಪಲ್ಪ ಜಾಗೊಲೆನ್ ಸಮ ಮಲ್ಪುವ, ಪಾರ್ಕಿಂಗ್ ಸಮಸ್ಯೆಗ್ ಸದು ನಾಡುವ, ತಾದಿ ಮುರ್ಗೊಲೆರ್ದ್ ದೆಲ್ಲಿನ್ ಮುಕ್ತ ಮಲ್ಪುವ, ಪಾರ್ಕ್ ಬುಲೆಪಾವ, ಆಸ್ಪತ್ರೆ ಶಾಲೆ ಎಡ್ಡೆ ಮಲ್ಪುವ, ಕಾಲ ಕಾಲೆೊಗು ಸಮ ಸಂಬಲ ಕೊರ್ಪ ಇಂಚ ಕೆಲವಾರ್ ಘೋಷಣೆ ಮಲ್ತೆರ್.