Last updated on November 13th, 2022 at 02:13 pm
ಬಾಂಬ್ ದಕ್ಕ್‌ದ್ ಬಜರಂಗದಳೊದ ಕಾರ್ಯಕರ್ತನ್ ಕೆರ್ತಿನ ಘಟನೆ ಜಾರ್ಖಂಡ್‌ಡ್ ನಡತ್‌ದ್ಂಡ್.
ಜಾರ್ಖಂಡ್‌ದ ಪಡ್ಡಾಯಿ ಸಿಂಗ್‌ಭೂಮ್ ಮೂಲೊದ ಬಜರಂಗದಳ ಕಾರ್ಯಕರ್ತನ ಮಿತ್ತ್ ಚಕ್ರಧರಪುರ ಪೇಂಟೆದ ಭಾರತ್ ಭವನ್ ಚೌಕ್‌ಡ್ ಬಾಂಬ್ ದಕ್ಕ್‌ದ್ ಕೆರ್ತೆರ್.
ಬೈಕ್‌ಡ್ ಬತ್ತಿನ ರಡ್ಡ್ ಜನ ಬಜರಂಗದಳ ಕಾರ್ಯಕರ್ತೆ ಕಮಲ್ ದೆವಗಿರಿನ ಮಿತ್ತ್ ಕಚ್ಚಾ ಬಾಂಬ್ ದಕ್ಕ್‌ದೆರ್. ಅಪಗನೇ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಸಾದಿ ನಡುಟೇ ತೀರ್ದೆರ್. ಈ ಇಸಯೊದ ಬಗ್ಗೆ ಜಡ್ತೆ ಮನ್ತೊಂದುಲ್ಲ ಪಂದ್ ಪೋಲೀಸ್ ವರಿಷ್ಠಾಧಿಕಾರಿ ಅಶುತೋಷ್ ಶೇಖರ್ ತೆರಿಪಾದೆರ್.