Last updated on November 14th, 2022 at 12:53 pm
ಬೊಂಬಾಯಿಡ್ ಒಟ್ಟುಗು ಬೇಲೆ ಮಲ್ಪುನಗ ಗುರ್ತ ಆಯಿನ ಆನ್-ಪೊಣ್ಣು ಮೋಕೆ ಮಲ್ಪರೆ ಸುರು ಮಲ್ತೆರ್. ಪೊಣ್ಣನ ಇಲ್ಲದಕುಲು ಈ ಸಂಬಂದೊಗು ಒಪ್ಯಂದಿನ ತೂದು ಮೊಕುಲು ದೆಲ್ಲಿಗ್ ಬಲ್ತ್ ಅಲ್ಪ ಒಂಜಿ ಪ್ಲಾಟ್ ಡ್ ಒಟ್ಟುಗು ಉಪ್ಪರೆ ಪತ್ತಿಯೆರ್.
ಅಫ್ತಾಬ್ ಅಮೀನ್ ಪೂನಾವಾಲ ಪನ್ಪಿನ ಆನ್ ತಾನ್ ಒಟ್ಟುಗು ಇತ್ತಿನ ಪೊಣ್ಣು ಶ್ರದ್ದಾ ಪನ್ಪಿನಲೆನ್ ಕೆರ್ದ್ 35 ತುಂಡು ಮಲ್ತ್ ದೆಲ್ಲಿದ ಕಾಡ್ ಗ್ ದಕ್ಕಿನ ಘಟನೆ ಬೊಲ್ಪುಗು ಬೈದ್ಂಡ್. ದಿನಾಲ ರಾತ್ರೆ ರಡ್ಡ್ ಗಂಟೆರ್ದ್ ಬೊಕ್ಕ ಒಂಜೊಂಜೇ ತುಂಡುನು ಕೊನೊದು ದೆಲ್ಲಿದ ಕಾಡ್ ಗ್ ದಕ್ಕೊಂದಿತ್ತೆ, ಇಂಚ 18 ದಿನ ಮಲ್ದೆ ಪನ್ದ್ ಸುದ್ದಿಯಾತ್ಂಡ್.
26 ವರ್ಸದ ಶ್ರದ್ಧಾಗ್ ಮುಂಬೈಡ್ ಕಾಲ್ ಸೆಂಟರ್ಡ್ ಬೇಲೆ ಮಲ್ತೊಂದಿಪ್ಪುನಗ ಅಫ್ತಾಬ್ನ ಗುರ್ತ ಆದಿತ್ತ್ಂಡ್. ಇಲ್ಲದಕುಲು ಈ ಸಂಬಂದ ಒಪ್ಯಂದಿನೆಕ್ಕ್ ಇರ್ವೆರ್ಲಾ ಬಲ್ತ್ ದೆಲ್ಲಿಗ್ ಪೋದು ಮದ್ಮೆ ಆವಂದೆನೇ ಒಟ್ಟುಗು ಉಪ್ಪರೆ ಪತ್ತಿಯೆರ್. ಶ್ರದ್ದಾ ಫೋನ್ ದೆರ್ಪಂದಿನ ತೂದು ನವೆಂಬರ್ 8ಗು ಅಲ್ನ ಅಮ್ಮೆ ವಿಕಾಸ್ ದೆಲ್ಲಿಗ್ ಬತ್ತ್ ನಾಡ್ದ್ ಅಕ್ಲೆನ ಫ್ಲಾಟ್ಗ್ ಪೋಯಿನೆ ಐಕ್ ಬೀಗ ಪಾಡ್ದಿತ್ತ್ಂಡ್. ಅವೆನ್ ತೂದು ಪೋಲೀಸ್ ಕಂಪ್ಲೇಂಟ್ ಕೊರಿಯೆ. ಪೋಲೀಸ್ನಕುಲು ನಾಡುನಗ ಈ ವಿಸಯ ಪಿದಯಿ ಬತ್ತ್ಂಡ್.