Last updated on November 17th, 2022 at 11:18 am
ಮಹಾರಾಷ್ಟ್ರದ ಯವತ್ಮಾಲ್ ಜಿಲ್ಲೆದ ಬನ್ಸಿ ಗ್ರಾಮ ಪಂಚಾಯತ್ ತನ್ನ ಗ್ರಾಮಸಭೆಟ್ ಬಾರಿ ಇಸೇಸವಾಯಿನ ಒಂಜಿ ಆದೇಶ ಕೊರ್ತುಂಡು. ನೆನ್ ಕೇಂಡಿನಕುಲು ಮಾತ, ಇಂಚಲಾ ಉಂಡಾ? ಪನ್ಪಿ ಲೆಕ ಆತ್ಂಡ್.
ಗ್ರಾಮೊಡು ಇಪ್ಪುನ 18 ವರ್ಸ ಪ್ರಾಯೊರ್ದ್ ತಿರ್ತ್‌ದ ಆಂಜೋಕುಲಾವಡ್ ಪೊಂಜೋಕುಲಾವಡ್ ಮೊಬೈಲ್ ಗಲಸೆರ ಬಲ್ಲಿ. ಜೋಕುಲು ಮೊಬೈಲ್ ಗಲಸುನೆಕ್ ನಿಷೇಧ ಪಾಡ್ದಿನವೇ ಈ ಇಸೇಸ ಆದೇಶ.
ಬನ್ಸಿ ಗ್ರಾಮೊದ ಜೋಕುಲು ಇತ್ತೆಇತ್ತೆ ಮೊಬೈಲ್ ಗಲಸುನ ಜಾಸ್ತಿ ಆದಿತ್ತ್ಂಡ್. ಮಾತೆರ್ಲಾ ಇಡೀ ದಿನ ಗೇಮ್ಸ್ ಗೊಬ್ಬೂನ, ಬೊರ್ಚಂದಿನ ವೀಡಿಯೋ ತೂಪುನ ಮಾತ ಪೆದ್ದಿನಕ್ಲು ತೂದಿತ್ತೆರ್. ನೆನ್ ಮಾತ ಉಂತಾವರೆ ಬೋಡಾದ್ ಮಾತೆರ್ನಲಾ ಪೂರ್ಣ ಒಪ್ಪಿಗೆ ಇತ್ತ್‌ದ ಈ ಆದೇಶನ್ ಗ್ರಾಮೊಡು ಜಾರಿಗ್ ಕನತೆರ್.