Last updated on November 22nd, 2022 at 05:30 pm
ಇಸೊತ ಲಾಂಬು ತಿಂದ್‌ದ್ ಅಮ್ಮೆ ಮಗೆ ತೀರಿನ ಘಟನೆ ಬೊಲ್ತೇರ್‌ದ ಪುದುವೆಟ್ಟು ಗ್ರಾಮೊದ ಕೇರಿಮಾರ್‌ಡ್ ನಡತ್‌ದ್ಂಡ್. 85 ವರ್ಸೊದ ಗುರುವೆ ಬೊಕ್ಕ ಆರೆನ ಮಗೆ 45 ವರ್ಸೊದ ಓಡಿ ತೀರಿನ ದುರ್ದೈವಿಲು.
ಸೋಮಾರ ರಾತ್ರೆ ಲಾಂಬುದ ಕಜಿಪು ತಿಂದಿತ್ತೆರ್ ಪಂದ್ ತೆರಿದ್ ಬೈದ್ಂಡ್. ಅಂಗಾರೆ ಕಾಂಡೆ ರಡ್ಡ್ ಜನೊಲಾ ಇಲ್ಲ ಅಂಗನೊಡು ಬೂರ್ದಿಪ್ಪುನೆನ್ ತೂದು ಬರಿತಕುಲು ಬತ್ತ್‌ದ್ ತೂನಗ ತೀರ್ದಿನ ಇಸಯ ಗೊಂತಾತ್ಂಡ್. ಗುರುವೆರೆನ ಕುಡೊರಿ ಮಗೆ ಇಲ್ಲಡಿಜ್ಜಂದಿನೆರ್ದಾವರ ಆರ್ ಬದ್‌ಕೊಂದೆರ್. ಕುಡುಮ ಪೋಲೀಸ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್. ನನಲಾತ್ ಜಡ್ತೆ ಮಲ್ತ್‌ದ್ ಎಚ್ಚಿನ ಒಲವು ಕೊರ್ಪ ಪಂದ್ ಪೋಲೀಸ್ ಪನ್ತೆರ್.