Last updated on November 23rd, 2022 at 12:24 pm
ದೆಲ್ಲಿ: ಕರಿನ ವಾರೊಡು ದೆಲ್ಲಿಡ್ ನಡತಿನ ಶ್ರದ್ಧಾನ್ ಕೆರ್ತಿನ ಇಸಯ ಇಡೀ ದೇಸೊನು ನರ್ಗಾದಿತ್ತ್ಂಡ್. ಇತ್ತೆ ಕುಡೊಂಜಿ ಭೀಕರ ಘಟನೆ ದೆಲ್ಲಿಡ್ ನಡತ್ದ್ಂಡ್. ಡ್ರಗ್ಸ್‌ದ ಅಮಲ್‌ಡೊರಿ ತನ್ನ ಅಪ್ಪೆ ಅಮ್ಮನ್, ಸಂಗಡಿನ್ ಬೊಕ್ಕ ಅಜ್ಜಿನ್ ಕೆರ್ದ್ ಪಾಡ್ದೆ.
ಮಾದಕ ವ್ಯಸನಿ ಆದುಪ್ಪುನ ಆರೋಪಿನ್ ಕೇಶವ್ ಪಂದ್ ಗುರ್ತ ಪತ್ತ್‌ದೆರ್. ಸೈದ್ ನೆತ್ತೆರ್ದ ಮಡುಟ್ ಬೂರ್ದಿತ್ತಿನಕಲೆನ್ ದಿನೇಶ್ ಕುಮಾರ್ (42), ಆರೆನ ಬೊಡೆದಿ ದರ್ಶನ ಸೈನಿ (40), ಅಜ್ಜಿ ದೀವಾನೋ ದೇವಿ(75) ಬೊಕ್ಕ ಪೊಣ್ಣು ಮಗಲ್ ಊರ್ವಶಿ (22) ಪಂದ್ ತೆರಿದ್‌ ಬೈದ್ಂಡ್.
ಆರೋಪಿ ಕೇಶವ್ ಮಾದಕ ವ್ಯಸನಿಯಾದಿತ್ತ್‌ದ್ ಒಂತೆ ದಿನೊಕು ದುಂಬು ಪುನರ್ವಸತಿ ಕೇಂದ್ರೊರ್ದ್ ಪಿರ ಬತ್ತಿತ್ತೆ. ಅವೆಕ್ ದುಂಬು ನಾಲ್ ಬುದ್ದಿದ ಪಾತೆರ ಪಂಡಿನೆಕ್ ಇಲ್ಲದಕ್ಲೆನ ಮಿತ್ತ್ ಪಿಸ್‌ರ್ ಇತ್ತಿನ ಕೇಶವ್ ಪೆದ್ಧಿನಕ್ಲೆನ್, ಅಜ್ಜಿನ್, ಸಂಗಡಿನ್ ಭೀಕರವಾದ್ ಕೆರ್ದ್ ಪಾಡ್ದೆ. ರಡ್ಡ್ ಪುನ ಬೆಂದ್ರ್‌ಕೊಟ್ಯಡ್ ತಿಕ್ಕ್ಂಡ ಕುಡ ರಡಾಡ್ ಜೆಪ್ಪುನದೆಟ್ ತಿಕ್ಕ್‌ದ.
ಅಂಗಾರೆ ಸುಮಾರ್ 10:30 ದ ಅಂದಾಜಿಗ್ ಮಿತ್ತ ಮಾಲಿಗೆರ್ದ್ ಬುಲ್ಪುನ ಬೊಬ್ಬೆ ಪಾಡುನ ಸಬ್ದ ಕೇಂದ್ ಅಲ್ಪದಕುಲು ಪೋಲೀಸ್‌ಗ್ ತೆರಿಪಾದೆರ್. ಎಂಕ್ಲು ಬತ್ತ್ ತೂನಗ ಆರೋಪಿ ನೆತ್ತೆರ್ಡ್ ಬೊದುಲೊಂದುಪ್ಪುನ ಪುನಕ್ಲೆನ ಬರಿಟೇ ಕುಲ್ದಿತ್ತೆ ಪಂದ್ ಪೋಲೀಸ್‌ದಕ್ಲು ತೆರಿಪಾದೆರ್. ಆಯನ್ ಅಯನ್ ಅರೆಸ್ಟ್ ಮಲ್ತ್‌ದ್ ಪ್ರಕರಣ ದಾಕಲ್ ಮಲ್ತೊಂದೆರ್.