Last updated on November 24th, 2022 at 08:42 am
ಬೊಲ್ತೇರ್: ಕೆಎಸ್ಸಾರ್ಟಿಸಿ ಬಸ್ ಕಾರ್‌ಗ್ ಗುದ್ದುದು ಒರಿ ಇತ್ತಿಜಾಗೆಡೇ ತೀರ್ದ್ ಏಲ್ ಜನೊಕು ಗಾತಿದ ಪೆಟ್ಟ್ ಆತಿನ ಘಟನೆ ಕುಡುಮದ ಕುದ್ರಾಯ ಪನ್ಪಿನಲ್ಪ ನಡತ್‌ದ್ಂಡ್.
ಈ ಡಿಕ್ಕಿಡ್ ಮಂಡ್ಯ ಜಿಲ್ಲೆದ ಚೆನ್ನಸಾಂದ್ರದ ಮಹಾದೇವ (63) ಪನ್ಪಿನಾರ್ ತೀರ್ದೆರ್. ಐನ್ ಜನ ಪೊಂಜೊವುನಕ್ಲ್ ಸೇರ್ದ್ ಏಲ್ ಜನೊನು ಉಜಿರೆದ ಪ್ರೈವೇಟ್ ಆಸ್ಪತ್ರೆಗ್ ಸೇರಾದ್ಂಡ್.
ಕುಡುಮ ದೀಪೊದ ಲೆಕ್ಕೊಡು ಮಂಡ್ಯರ್ದ್ ಒಂಜೇ ಕುಟುಮೊದ 10 ಜನ ಬೊಲೆರೋಡ್ ಬರೊಂದಿತ್ತೆರ್. ಗಾಡಿ ಬರಿಟುಂತದ್ ಅಂಗಡಿಗ್ ಪೋವೊಂದುಪ್ಪುನ ಪೊರ್ತುಡು ಕುಡುಮರ್ದ್ ಮೈಸೂರ್ ಪೋವೊಂದಿತ್ತಿನ ಕೆಎಸ್‌ಆರ್‌ಟಿಸಿ ಬಸ್ ಬೊಲೆರೋ ಕಾರ್‌ನ್ ಬೊಕ್ಕ ಬರಿಟಿತ್ತಿನಕ್ಲೆನ್ ಆಕೊಂದು ಪೋತುಂಡು.
ಬೊಲ್ತೇರ್ ಸಂಚಾರಿ ಪೊಲೀಸ್ ಸ್ಟೇಷನ್‌ದಕ್ಲಕ ಪರಿಶೀಲನೆ ಮಲ್ದೆರ್.