Last updated on November 26th, 2022 at 11:49 am
ಒಡಿಪು: ಪ್ರಾಯೊದ ಪೊಂಜೊವುನೊರ್ತಿನ ಇಲ್ಲಡ್ ಬೇಲೆಗಿತ್ತಿನ ಹೋಂ ನರ್ಸ್ ಒರ್ತಿ ತಾನ್ ಬೆನೊಂದಿತ್ತಿನ ಇಲ್ಲಲ್ದೇ ಲಕ್ಷಗಟ್ಲೆ ಮೌಲ್ಯೊದ ಬಂಗಾರ್ ಕಂಡಿನ ಪ್ರಕರಣ ವರದಿ ಆತ್ಂಡ್. ಇತ್ತೆ ಪೋಲೀಸ್ದಕುಲು ಈ ಹೋಂ ನರ್ಸ್ನ್ ಅರೆಸ್ಟ್ ಮಲ್ತ್ದೆರ್ ಅರೆಸ್ಟ್ ಆತಿನ ಪೊಂಜೊವು ಬಾಗಲಕೋಟೆ ಮೂಲೊದ ರೇಖಾ ಹೆಬ್ಬಳ್ಳಿ ಪಂದ್ ತೆರಿದ್ ಬೈದ್ಂಡ್.
ಪೆರಿಯಡ್ಕ ಪೊಲೀಸ್ ಸ್ಟೇಶನ್ದ ಸೀಮೆಡ್ ಬರ್ಪುನ ಚಿನ್ಯೊಟ್ಟುದ ಸರಸ್ವತಿ (98) ಪನ್ಪಿನಾರೆನ್ ತೂವೊನ್ರ ಒಡಿಪುದ ಉಷಾ ಮ್ಯಾರೇಜ್ ಬ್ಯೂರೋ ಜಾಬ್ ಲಿಂಕ್ಸ್ ಏಜೆನ್ಸಿದ ಮುಕೇನ ಹೋಂ ನರ್ಸ್ ಬೇಲೆಗ್ ರೇಖಾ ಹೆಬ್ಬಳ್ಳಿರೆನ್ ಉಂತಾದಿತ್ತೆರ್. ಆಂಡ ಕೆಲಸೊಗು ಬತ್ತಿನ ಪೊಂಜೊವು ಪ್ರಾಯೊದಾರ್ ಇಲ್ಲಡೊರ್ತೇ ಇಪ್ಪುನ ಪೊರ್ತುಡ್ ಆರೆನ ಕಂಟೆಲ್ಡಿತ್ತಿನ 1.45 ಲಕ್ಷ ಮೌಲ್ಯೊದ ಬಂಗಾರ್ದ ಚೈನ್ನ್ ಕಂಡೊಂದು ಪೋತೆರ್.
ಪೆರಿಯಡ್ಕ ಪೊಲೀಸ್ ಸ್ಟೇಶನ್ಡ್ ದೂರು ದಾಕಲಾಯಿಬೊಕ್ಕ, ಪೋಲೀಸ್ದಕುಲು ಆರೋಪಿನ್ ಅರೆಸ್ಟ್ ಮಲ್ದೆರ್.