ರಾಜ್ಯೊದ ಪ್ರವಾಸಿ ತಾನೊಲೆನ ಪಟ್ಟಿಡ್ ಬಪ್ಪನಾಡ್ ದೇಲಂತಡೆ

Last updated on November 26th, 2022 at 01:12 pm

ಮುಲ್ಕಿದ ಪುದರ್‌ಪೋತಿನ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯ ಕರ್ನಾಟಕ ರಾಜ್ಯೊದ ಪ್ರವಾಸಿ ತಾನೊಲೆನ ಪಟ್ಟಿಡ್ ಸೇರ್ದಿನ ಶ್ರೀಕ್ಷೇತ್ರೊದ ಭಕ್ತೆರೆಗ್ ಮಸ್ತ್ ಕುಸಿಯಾತ್ಂಡ್. ರಾಜ್ಯ ಪ್ರವಾಸೋದ್ಯಮ ಇಲಾಖೆ ಗುರ್ತಿಸಾವುನ ಪ್ರವಾಸಿ ತಾನೊಲೆನ ಪಟ್ಟಿಡ್ ಬಪ್ಪನಾಡ್‌ನ್ ಸೇರಾವೊಡು ಪಂದ್ ಭಕ್ತೆರೆನ ಪರವಾಧ್ ಜೀವನ್ ಕೆ ಶೆಟ್ಟಿ ಸರಕಾರೊಗು ಬಿನ್ನೈತೊಂದಿತ್ತೆರ್. ರಾಜ್ಯ ಪ್ರವಾಸೋದ್ಯಮ ಇಲಾಖೆದ ಸಚಿವೆ ಸಿ. ಪಿ. ಯೋಗೀಶ್ವರ್, ಮಾಜಿ ಸಚಿವೆ ಪಿ. ಜಿ. ಆರ್. ಸಿಂಧ್ಯಾ, ಜಿಲ್ಲಾ ಪ್ರವಾಸೋದ್ಯಮ ಇಲಾಖೆದ ಒತ್ತು ನಿರ್ದೇಶಕೆರೆಗ್, ರಾಜ್ಯ ಪ್ರವಾಸೋದ್ಯಮ ಇಲಾಖೆದ ನಿರ್ದೇಶಕೆರೆಗ್, ದುಂಬುದ ಜಿಲ್ಲಾಧಿಕಾರಿ ಕೆ. ವಿ. ರಾಜೇಂದ್ರೆರೆಗ್ ಈ ಇಸಯೊಡು ಬಿನ್ನಪು ಮಲ್ದಿತ್ತ್ಂಡ್.