Last updated on November 28th, 2022 at 12:34 pm
ಉಬಾರ್: ಜವನೆರೆ ಕೂಟ ಒಂಜಿ ಇಲ್ಲಗ್ ಪೊಗ್ಗುದ್, ಇಲ್ಲದಕ್ಲೆಗ್ ಕೈದ್‌ಲೆನ್ ಪತೊಂದು ಹಲ್ಲೆ ಮಲ್ತ್‌ದ್ ಕೆರ್ಯೆರೆ ತೂತಿನ ಘಟನೆ ಉಬಾರ್‌ಡ್ ನಡತ್ದ್ಂಡ್.
ಬೆಲಿಯೂರು ಗ್ರಾಮೊದ ಅಯೋಧ್ಯಾನಗರದ ತಾಹಿರಾ (38) ಪನ್ಪಿನಾರ್ ಕೊರ್ತಿನ ದೂರುದ ಪ್ರಕಾರ ಪೋಲೀಸ್‌ದಕುಲು 4 ಜನೊನು ಅರೆಸ್ಟ್ ಮಲ್ದೆರ್. ಮುಹಮ್ಮದ್ ನಿಝಾಮುದ್ದೀನ್(25), ತೌಫೀಕ್(20), ಅಬ್ದುಲ್ ಸಲೀಂ(23) ಬೊಕ್ಕ ಮಹಮ್ಮದ್ ಶಫೀಕ್ (22) ಅರೆಸ್ಟ್ ಆತಿನಕುಲು. ಕುಡ ರಡ್ಡ್ ಆರೋಪಿಲು ನಾಸಿರ್ ಬೊಕ್ಕ ಸಮೀರ್ ಪನ್ಪಿನಕ್ಲೆನ್ ಪೋಲೀಸೆರ್ ನಾಡೊಂದುಲ್ಲೆರ್.
ಉಸ್ಮಾನ್ ಬ್ಯಾರ್ಲೆಡ ಮಗಲೆನ್ ಎಂಕ್ ಮದ್ಮೆ ಮಲ್ತ್ ಕೊರ್ಲೆ ಪಂದ್ ನಿಜಾಮುದ್ದೀನ್ ಮಲ್ದಿನ ಅರಿಕೆನ್ ಆರ್ ಒತ್ತೊಂದಿಜ್ಜಂಡ್. ನೆರ್ದಾವರ ಬೆಚ್ಚ ಆತಿನ ನಿಜಾಮುದ್ದೀನ್ ತೌಫೀಕ್, ಅಬ್ದುಲ್ ಸಲೀಂ, ಮಹಮ್ಮದ್ ಶಫೀಕ್, ನಾಸಿರ್ ಬೊಕ್ಕ ಸಮೀರ್ ಪನ್ಪಿನಕ್ಲೆನ್ ಲೆತೊಂದು ಬತ್ತ್‌ದ್ ಉಸ್ಮಾನ್ ಬ್ಯಾರ್ಲೆಗ್ ಅಂಚೆನೇ ಆರೆನ ಇಲ್ಲದಕ್ಲೆಗ್ ಪೆದಂಬು ನೆರ್ದ್ ಉಸ್ಮಾನ್‌ರೆಗ್ ಬೀಸತ್ತಿ ಪಾಡ್ದೆರ್ ಪಂದ್ ದೂರುಡ್ ಪನ್ತೆರ್.
ಉಸ್ಮಾನ್‌ರೆನ್ ಕುಡ್ಲದ ಆಸ್ಪತ್ರೆಗ್ ಸೇರಾದ್ಂಡ್. ಅರೆಸ್ಟ್ ಮಲ್ದಿನಕಲೆನ್ ಪೋಲೀಸೆರ್ ನ್ಯಾಯಂತಡೆಗ್ ಲೆತೊಂದು ಪೋತೆರ್.