Last updated on December 6th, 2022 at 10:29 am
ಮಹಾರಾಷ್ಟ್ರ ಸೊಲ್ಲಾಪುರದ 10 ಗ್ರಾಮಪಂಚಾಯತಿಲು ಕರ್ನಾಟಕೊಗು ಸೇರೊಡು ಪನ್ದ್ ತನ್ಕುಲೆನ ಪಂಚಾಯತಿಡ್ ರೆಸೊಲ್ಯೂಶನ್ ಪಾಸ್ ಮಲ್ತ್ ಮಹಾರಾಷ್ಟ್ರ ಸರಕಾರ ಉಂದೆಕ್ ಒತ್ತೊನೊಡು ಪನ್ದ್ ಸೊಲಾಪುರದ ಕಲೆಕ್ಟರ್ ಗ್ ಓಲೆ ಕೊರಿಯೆರ್.
ತಮ್ಮಣ್ಣ ಪಾಟೀಲ್ ದರ್ಸಂಗ್ ಗ್ರಾಮ ಪಂಚಾಯತಿದ ಸರ್ಪಂಚ್ ಪಾತೆರ್ದ್, ನಮ ದೇಶದ ಸ್ವತಂತ್ರದ 75ನೇ ವರ್ಸ ಆಚರಿಪೊಂದುಲ್ಲ ಆಂಡಲ ನನಲ ಗಡಿತ ಹಳ್ಳಿಲೆನ್ ಮಹಾರಾಷ್ಟ್ರ ಅಭಿವೃದ್ದಿ ಮಲ್ದಿಜಿ. ಕರ್ನಾಟಕದ ಹಳ್ಳಿಲೆಡ್ ಎಡ್ಡೆ ತಾದಿ ಉಂಡು, ಅಕಲೆಗ್ ಕೃಷ್ಣಾ ಕಾಲುವೆರ್ದ್ ನೀರ್ ಬರ್ಪುಂಡು, ಕರೆಂಟ್ ಯಾಪಲಾ ಉಪ್ಪುಂಡು ಪನ್ದ್ ಪಂಡೆರ್. ಈ ಹಳ್ಳಿಲೆಡ್ ಕನ್ನಡ ಪಾತೆರುನಕುಲು ಹೆಚ್ಚ ಜನ ಉಲ್ಲೆರ್.
ಒಂಜಿ ವೇಳೆ ಮಹಾರಾಷ್ಟ್ರ ಸರಕಾರ ಎಂಕ್ಲೆನ ಬೇಡಿಕೆಲೆಗ್ ಒತ್ತೊನ್ದು ಎಂಕ್ಲೆನ ಅಭಿವೃದ್ದಿ ಮಲ್ತ್ಂಡ ಎಂಕುಲು ಕರ್ನಾಟಕೊಗು ಗೋಡ್ಯುನ ಬೇಡಿಕೆನ್ ಬುಡ್ಪ ಪನ್ದ್ ಪಂಡೆರ್.