Last updated on December 11th, 2022 at 07:25 pm
ಕುಡ್ಲ: ಬೆಂಗ್ರೆ ಮೈದಾನೊದಲ್ಪ ಗೊಬ್ಬೊಂದಿತ್ತಿನ ಜೋಕುಲೆಗ್ ಎಡ್ತಿನ ಕಾರ್ ಕುಡ ಎದ್‌ರ್ ಪೋದು ಕರೆಂಟ್ ಕಂಬೊಗು ಎಡ್ತಿನ ಘಟನೆ ಬೆಂಗ್ರೆಡ್ ನಡತ್‌ದ್ಂಡ್. 7 ಜನ ಜೋಕುಲೆಗ್ ಪೆಟ್ಟಾತ್ಂಡ್ಂದ್ ತೆರಿದ್ ಬೈದ್ಂಡ್.
ಪೆಟ್ಟಾತಿನ ಜೋಕುಲೆನ್ ನಾಶಿಕ್, ಶಬೀಬ್, ಶಮ್ಮಾಝ್, ಮುಶೈಫ್, ಅರಾಫತ್, ಶಾಬಿಕ್ ಬೊಕ್ಕ ನಹೀಂ ಪಂದ್ ಗುರ್ತಪತ್ತ್‌ದೆರ್.
ಬೆಂಗ್ರೆದ ಸೂಪರ್ ಸ್ಟಾರ್ ಗೊಬ್ಬುದ ಕಲೊಟು ಗೊಬ್ಬೊಂದಿಪ್ಪುನಗ ಡ್ರೈವರ್‌ನ ಕೈತತ್ತ್‌ದ್ ಕಾರ್ ಜೋಕುಲೆಗ್ ಎಡ್ತ್‌ದ್ಂಡ್.
ಈ ಕಾರ್ ಕುಡ ಎದ್‌ರ್ ಪೋದು ಕರೆಂಟ್ ಕಂಬೊಗು ಎಡ್ತ್‌ದ್ಂಡ್ ಪಂದ್ ತೂಯಿನಕುಲು ಪಂಡೆರ್. ಪೆಟ್ಟಾತಿನ ದೂರ ಜೋಕುಲೆನ್ ಮುಟ್ಟದ ಪ್ರೈವೇಟ್ ಆಸ್ಪತ್ರೆಗ್ ಸೇರಾದ್ಂಡ್.