Last updated on December 12th, 2022 at 10:01 am
ಭೋಪಾಲ್: ಸನಿಯಾರ ರಾತ್ರೆರ್ದ್ ಐತಾರ ಕಾಂಡೆ ಮುಟ್ಟ ರಾಜ್ಯೊಡೊರ್ಮೆ ನಡತಿನ ಕಾರ್ಯಾಚರಣೆಡ್ ಮಧ್ಯ ಪ್ರದೇಶ ಪೋಲೀಸೆರ್ ಬೇತೆ ಬೇತೆ ಕೇಸ್ ದಾಖಲಾದಿತ್ತಿನ ಸುಮಾರ್ 9,000 ಜನೊನು ಅರೆಸ್ಟ್ ಮಲ್ದೆರ್.
ಒಟ್ಟು 17,000 ಜನ ಪೋಲೀಸೆರ್ ಪಾಲ್‌ಪಡೆದಿತ್ತಿನ ಈ ಕಾರ್ಯಾಚರಣೆನ್ ರಾಜ್ಯೊಡು ಶಾಂತಿ ವೆವಸ್ತೆಲೆನ್ ಒರಿತೊನರ ಅಂಚೆನೇ ಜನೊಕ್ಲೆನ ರಕ್ಷಣೆಗಾದ್ ಮಲ್ದ ಪಂದ್ ಪೋಲೀಸೆರ್ ಪಂಡೊಂದೆರ್. ಅರೆಸ್ಟ್ ಆತಿನಕ್ಲೆಟ್ ಪರ್ಮನೆಂಟ್ ವಾರೆಂಟ್, ಅರೆಸ್ಟ್ ವಾರೆಂಟ್ ಇತ್ತಿನಕುಲು, ಕರ್ಪಿಲ್ಲ್‌ರ್ದ್ ಬಲ್ತಿನಕುಲು ಉಲ್ಲೆರ್. ಅಂಚೆನೇ ಗಡಿಪಾರ್ ಆತಿನ ಕ್ರಿಮಿನಲ್‌ನಕುಲೆನ ಮಿತ್ತ್‌ಲಾ ಒಂಜಿ ಕಣ್ಣ್ ದೀತ ಪಂದ್ ಪಂಡೆರ್.
ಅರೆಸ್ಟ್ ಆತಿನೆಟ್ 6,000 ಕ್ರಿಮಿನಲ್‌ನಕ್ಲೆನ ಮಿತ್ತ್‌ದ ವಾರೆಂಟ್ ಪೆಂಡಿಂಗ್‌ಡ್ ಇತ್ತ್ಂಡ್, 2,600 ಜನೊತ ಮಿತ್ತ್ ಪರ್ಮನೆಂಟ್ ವಾರೆಂಟ್, 100 ಜನ ಕರ್ಪಿಲ್ಲ್‌ರ್ದ್ ಬಲ್ತಿನಕುಲು ಅಂಚೆನೇ ಬೌಂಟಿ ಇತ್ತಿನ 200 ಜನ ಇತ್ತೆರ್.