Last updated on December 17th, 2022 at 12:31 pm
ಬೊಲ್ತೇರ್: ಉಜಿರೆದ ಮುಟ್ಟದ ಪೆರ್ಲಡ್ ಪಿರಾಕ್‌ದ ಶಿವಲಿಂಗ ಒಂಜಿ ಪತ್ತೆ ಆತ್ಂಡ್.
ಮುಲ್ಪದ ಪಿರಾಕ್‌ದ ಲಕ್ಷ್ಮೀ ಜನಾರ್ಧನ ದೇವಲ್ಯೊದ ಬೇಲೆಗ್ ದುಂಬು ಅಷ್ಟಮಂಗಲ ಪ್ರಶ್ನೆ ದೀನ ಪೊರ್ತುಡು ದೇವಲ್ಯೊ ಇತ್ತಿನ ಗುರ್ತ ಇತ್ತಿನಲ್ಪ ಮಣ್ಣ್‌ದಡಿಟ್ ಡಿಸೆಂಬರ್ 16ಕ್ ಈ ಶಿವಲಿಂಗ ತಿಕ್ಕ್‌ದ್ಂಡ್.
ಡಿಸೆಂಬರ್ 8, 9 ಅಂಚೆನೇ 15, 16ಕ್ ದೈವಜ್ಞೆರಾಯಿನ ಶ್ರೀಧರ ಗೋರೆ ಮೆರೆನ ಮುತಾಲಿಕೆಡ್ ಅಷ್ಟಮಂಗಲ ಪ್ರಶ್ನೆ ನಡತ್ಂಡ್. ಪ್ರಶ್ನೆಡ್ ಶಿವನ ಸಾನಿಧ್ಯ ಉಂಡುಂದ್ ತೆರಿದ್ ಬತ್ತ್‌ದ್, ಆರ್ ಪಂಡಿನ ಜಾಗೆಡ್ ಒಕ್ಕುದ್ ತೂನಗ ಶಿವಲಿಂಗ ತಿಕ್ಕ್‌ದ್ಂಡ್.
ಸುಮಾರ್ 2 ರ್ದ್ 3 ಫೀಟ್ ಉದ್ದ ಇಪ್ಪುನ, ಪಾಣಿಪೀಠ ಇಪ್ಪುನ ಈ ಲಿಂಗ 400 ರ್ದ್ 500 ವರ್ಸ ಪಿರಾಕ್‌ದ ಪಂದ್ ಅಂದಾಜಿ ಮಲ್ದೆರ್. ಶಿವಲಿಂಗ ಪ್ರತಿಷ್ಠೆ ಆವೊಡುಂದ್ ತೋಜಿದ್‌ಬೈದ್ಂಡ್‌.