Last updated on December 24th, 2022 at 01:20 pm
ಸಮ ಪೊರ್ತುಡು ಆ್ಯಂಬುಲೆನ್ಸ್ ಬರಂದೆ ಉಚ್ಚು ತುಚ್ಚಿದಿನ 5 ವರ್ಸದ ಆನ್ ತೀರಿನ ನಡಕೆ ಸಕಲೇಶಪುರೊಟು ನಡತ್ಂಡ್.
ಸಕಲೇಶಪುರತ ದೊಡ್ಡಕಲ್ಲೂರು ಗ್ರಾಮದ ರೋಹನ್ ಪನ್ಪಿ ಆನಗ್ ಉಚ್ಚು ತುಚ್ಚಿದಿತ್ತ್ಂಡ್. ಆಯನ ಅಮ್ಮೆರ್ ಆಯನ್ ಕೈತಲ್ದ ಸರಕಾರಿ ಆಸ್ಪತ್ರೆಗ್ ಕೊನೊಯೆರ್, ಅಲ್ಪ ಡಾಕ್ಟರ್ ಅಕಲೆನ್ ಸಕಲೇಶಪುರತ ಟೌನ್ ಆಸ್ಪತ್ರೆಗ್ ಪೋವರೆ ಪಂಡೆರ್ ಅಂಚೆನೆ ಆ್ಯಬುಲೆನ್ಸ್ ಬನ್ನ ಮುಟ್ಟ ಕಾಪರೆ ಪಂಡೆರ್.
ಆ್ಯಂಬುಲೆನ್ಸ್ ಗ್ ಕಾಪುನಗ ಆನಗ್ ಮತಿ ತತ್ತ್ಂಡ್. ಆನನ್ ಕಾರ್ ಡ್ ಕೊನೊಯೆರ್, ನಡುಟು ಆ್ಯಂಬುಲೆನ್ಸ್ ತಿಕ್ಕಿನೆ ಬೊಕ್ಕ ತಾಲೂಕು ಆಸ್ಪತ್ರೆಗ್ ಕೊನೊಯೆರ್. ಅಲ್ಪೊರ್ದು ಜಿಲ್ಲಾ ಆಸ್ಪತ್ರೆಗ್ ಪೋರೆ ಪಂಡೆರ್. ಅಲ್ಪ ಮರ್ದ್ ಮಲ್ಪ್ಂಡಲ ಪಲಿಪಂದೆ ಆನ್ ತೀರಿಯೆ.
ಊರುದಕುಲು ಪೂರಾ ಆ್ಯಂಬುಲೆನ್ಸ್ ಸಮ ಪೊರ್ತುಡು ಬರಂದಿನನೇ ಆನ್ ತೀರರೆ ನೆವನ ಪನ್ದ್ ದೂರೊಂದುಲ್ಲೆರ್.