Last updated on December 24th, 2022 at 03:22 pm
ಬೊಲ್ತೇರ್: ಸ್ಕೂಲ್ ಬಸ್ ಬೊಕ್ಕ ಗೂಡ್ಸ್ ರಿಕ್ಷಾ ಎಡ್ತೊಂದು ಜಾಗೆಡೇ ಒರಿ ಸೈದಿನ ನಡಕೆ ಕೊಯ್ಯೂರು ಗ್ರಾಮೊದ ಮಲೆಬೊಟ್ಟುಡ್ ನಡತ್ದ್ಂಡ್.
ತೀರಿನಾರೆನ್ ಕುವೆಟ್ಟು ಗ್ರಾಮೊದ ಪಿಲ್ಚಂಡಿಕಲ್ಲ್ ನಿವಾಸಿ ರಝಾಕ್(50) ಪಂದ್ ಗುರ್ತ ಪತ್ತ್‌ದೆರ್. ಕುವೆಟ್ಟು ಗ್ರಾಮೊದ ಪಿಲ್ಚಂಡಿಕಲ್ಲ್ ನಿವಾಸಿ ಹನೀಫ್(48) , ಪಣಕಜೆ ನಿವಾಸಿ ಕೆ.ಮೊಹಮ್ಮದ್(57) ಪನ್ಪಿನಕ್ಲೆಗ್ ಗಾತಿದ ಪೆಟ್ಟ್‌ಲಾತ.
ಸ್ಕೂಲ್ ಬಸ್ಸ್ ಕೊಯ್ಯೂರುರ್ದ್ ಜೋಕುಲೆನ್ ಲೆತೊಂದು ಬರೊಂದುಪ್ಪುನಗ ಬೊಲ್ತೇರ್‌ರ್ದ್ ಕೊಯ್ಯೂರು ಪೋವೊಂದಿತ್ತಿನ ಗೂಡ್ಸ್ ರಿಕ್ಷಾಗ್ ಮಲೆಬೊಟ್ಟು ದೇಲಂತಡೆದಲ್ಪ ಎಡ್ತ್‌ದ್ಂಡ್.
ರಿಕ್ಷಾಡಿತ್ತಿನ ಮೂಜಿ ಜನೊಕು ಪೆಟ್ಟ್ ಆದ್, ಅಪಗನೆ ಮುಟ್ಟದಕ್ಲ್ ಆಸ್ಪತ್ರೆಗ್ ಲೆತೊಂದುಪೋಪಿ ಸಾದಿದ ನಡುಟ್ ರಝಾಕ್(50) ತೀರ್ದೆರ್. ಡ್ರೈವರ್ ಹನೀಫ್(48), ಕೆ.ಮೊಹಮ್ಮದ್(57) ರೆನ್ ಕುಡ್ಲದ ಆಸ್ಪತ್ರೆಗ್ ಸೇರಾದೆರ್. ಬೊಲ್ತೇರ್ ಸಂಚಾರಿ ಪೊಲೀಸೆರ್ ಜಾಗೆಗ್ ಬತ್ತ್ದ್ ಜಡ್ತೆ ಮಲ್ದೆರ್.