Last updated on December 28th, 2022 at 02:24 pm
ಬಂಟ್ವಾಳ: ಗಾಡಿಡ್ ಪಾರ್ಸೆಲ್ ಕೊರ್ರೆ ಬತ್ತಿನ ಮಾಲೆಪಾಡಿನಕಲೆಗ್ ಒರಿ ಪೆದಂಬು ನೆರ್ದ್, ಪೋಡಿಕಟ್ಟಾಯಿನ ವಿಷಯೊಡು ಬಂಟ್ವಾಳ ನಗರ ಪೊಲೀಸ್ ಸ್ಟೇಷನ್‌ಡ್ ಒಯಿಲ್ ದಾಕ್ಲಾತ್ಂಡ್.
ಬಿ.ಮೂಡ ಗ್ರಾಮೊದ ಕೂಡುದಬರಿ(ಗೂಡಿನಬಳಿ)ತ ಮೀನ್ ಬೇರದ ಇಕ್ಬಾಲ್ ಪನ್ಪಿನಾಯನ ಮಿತ್ತ್ ಕೇಸ್ ದಾಕ್ಲಾದ್, ಪೋಲೀಸೆರ್ ಆಯನ್ ಅರೆಸ್ಟ್ ಮಲ್ತ್ ಇಚಾರ್ನೆ ಮಲ್ತೊಂದುಲ್ಲೆರ್. ಯಶ್ವಿತ್ ಪನ್ಪಿನಾರ್ ಮಾಲೆ ಪಾಡ್ದ್, ತನ್ನ ಪಾಸಾಡಿನೊಟ್ಟು ರಿಕ್ಷಾ ಟೆಂಪೋಡು ಪಾರ್ಸೆಲ್ ಸರ್ವಿಸ್ ಮಲ್ಪುನ ಪೊರ್ತುಡು ಈ ನಡಕೆ ನಡತ್ದ್ಂಡ್.
ಪಾರ್ಸೆಲ್ ಕೊರ್ರ ಪೋದುಪ್ಪುನಗ ಆಕ್ಟೀವಾಡ್ ಬತ್ತ್ ಅಡ್ಡಕಟ್ಟಿನ ಇಕ್ಬಾಲ್, “ಉಂದು ಎಂಕ್ಲೆನ ಏರಿಯಾ, ಇಡೆ ನಿಕುಲು ಹಿಂದೂಲು ಬರ್ರ ಬಲ್ಲಿ ಬೇವರ್ಸಿ ರಂಡೆಬಲ್ಲ್‌ಲೇ” ಪನೊಂದು ಆಕೆರೆ ಬತ್ತ್‌ದೆ. ಆತನಗ ಎಂಕ್ಲು ಮಾಲೆ ಪಾಡಿನಕುಲು, ಏರೆಗ್ಲಾ ಉಪದ್ರ ಕೊರ್ಪುಜ ಪಂಡಿನೆಕ್ ಪಿರ ನಾಲಾಯಿ ಉದ್ದ ಬುಡ್ದ್ “ನಿಕ್ಲೆನ ವಾ ಪಂಕ್‌ದ ಮಾಲೆಯಾ, ನಿಕ್ಲೆನ ವಾ ಪಂಕ್‌ದ ದೇವೆರ್‌ಯಾ? ಅಯ್ಯಪ್ಪೆ ಒಲ್ಪರ್ದಾ ಬತ್ತಿನ ನಟ್ಟುನಾಯೆ” ಪಂದ್ ನೆರೊಂದು, ಧರ್ಮ ನಿಂದನೆ ಮಲ್ತ್ “ಯಾನ್ ಮಲ್ಲ ರೌಡಿ, ಎನ್ನ ಪುದರ್ ಇಕ್ಬಾಲ್, ಎನ್ನ ಕತೆ ನಿಕ್ಲೆಗ್ ಗೊತ್ತುಜ್ಜಿ. ಮುಲ್ಪರ್ದ್ ಎದ್ರ್
ಪೋಯರ್ನ್ಡ ಕೆರಂದೆ ಬುಡಯೆ” ಪಂದ್‌ಲಾ ಪಂತೆ ಪನ್ದ್ ಪೋಲೀಸೆರೆಗ್ ಕೊರ್ತಿನ ಒಯಿಲ್ ಡ್ ದಾಖಲೆ ಮಲ್ದೆರ್.