Last updated on January 1st, 2023 at 07:16 am
ಪ್ರಧಾನಮಂತ್ರಿ ನರೇಂದ್ರ ಮೋದಿ ಮೆರೆನ ಅಪ್ಪೆ ಹೀರಾಬೆನ್ ತನ್ನ 100 ವರ್ಸೊಡು ತೀರಿಯೆರ್. ಅರೆನ ಕಡೆತ ಕಾರ್ಯೊಲು ಮುಗಿತಿನೇ ಮೋದಿ ಕೊಲ್ಕತ್ತಾಡ್ ನಡಪೊಡಿತ್ತಿನ ಸೌಕರ್ಯೊಲೆನ ಉದಿಪನದ ಲೇಸ್ ಗ್ ವರ್ಚುವಲ್ ಆದ್ ಪಾಲ್ ಪಡೆಯೊನಿಯೆರ್.
ಈ ಲೇಸ್ ಡ್ ಪಾತೆರಿನ ಪಡ್ಡಾಯಿ ಬಂಗಾಲದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ, ಇರೆನ ಅಪ್ಪೆ ಎಂಕ್ಲೆನ ಅಪ್ಪೆಲೆಕಲಾ ಇತ್ತೆರ್. ಎಂಕ್ ಎನ್ನ ಅಪ್ಪೆ ಗೆರೆತ್ಂಡ್. ದೇವೆರ್ ಇರೆಗ್ ಇರೆನ ಬೇಲೆ ಮಲ್ಪರೆ ಸತು ಕೊರಡ್. ಇರೆಗ್ ಇನಿ ವಯಕ್ತಿಕವಾದ್ ಮಸ್ತ್ ಬೇನೆ ಕೊರಿನ ದಿನ. ಇರೆಗ್ ದೇವೆರ್ ಎಡ್ಡೆ ಮಲ್ಪಡ್, ಈರ್ ಮಲ್ಪುನ ಬೇಲೆಡ್ ಇರೆನ ಅಪ್ಪೆನ್ ತೂಲೆ. ಅಪ್ಪೆನ್ ಪೊತ್ತಾದ್ ಸೀದಾ ಇಡೆ ಬೈದರ್, ದಯಮಲ್ತ್ ರೆಸ್ಟ್ ಮಲ್ರುಲೆ ಪನ್ದ್ ಪಂಡೆರ್.
ಉಂದೆಕ್ ಮೋದಿ ಕೈಮುಗಿದ್ ಪ್ರತಿಕ್ರಿಯೆ ಕೊರಿಯೆರ್. ಈ ಕಜ್ಜೊಡು ಪಡ್ಡಾಯಿ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ, ಕೇಂದ್ರ ರೈಲ್ವೇ ಮಂತ್ರಿ ಅಶ್ವಿನಿ ವೈಷ್ಣವ್ ಅಂಚೆನೊ ಸುಮಾರ್ ಜನ ಇತ್ತೆರ್. ಸೇರ್ದಿನ ಜನಕುಲು ಜೋರು ಜೋರುಡು ‘ಜೈ ಶ್ರೀರಾಮ್’ ಪನ್ದ್ ಕಲ್ಕಿನ ತೂದು ಮಮತಾ ಮೇರ್ ಮಿತ್ತಚಾವಡಿಗ್ ಪೋವಂದೆ ತಿರ್ತ್ ದೇ ಕುಲ್ದು ಪಾತೆರಿಯೆರ್.