Last updated on January 2nd, 2023 at 01:29 pm
ಉತ್ತರ ಪ್ರದೇಶ: ಮಂತ್ರವಾದಿ ಒರಿ ಕುಲೆ ಬುಡ್ಪವೆ ಪಂಡ್‌ದ್ 14 ವರ್ಸ ಪ್ರಾಯೊದ ಪೊಣ್ಣನ್ ಅತ್ಯಾಚಾರ ಮಲ್ತಿನೆಕ್ ಆರೋಪಿನ್ ಕೈದ್ ಮಲ್ತಿನ ನಡಕೆ ಉತ್ತರ ಪ್ರದೇಶೊಡು ನಡತ್ದ್ಂಡ್‌.
ಆರೋಪಿನ್ ಅಶೋಕ್ ಕುಮಾರ್(45) ಪಂದ್ ಗುರ್ತಪತ್ತ್‌ದೆರ್. ಪೊಣ್ಣು ಕರಿನ ಮೂಜಿ ವರ್ಸೊರ್ದಿಂಚಿ ಮೂರ್ಛೆ ರೋಗೊಗು ಪ್ರೈವೇಟ್ ಆಸ್ಪತ್ರೆದ ಮರ್ದ್ ಮನ್ತೊಂದಿತ್ತಲ್, ಆಂಡ ಈತ್‌ನೇಟ ಒವ್ವೇ ಪ್ರೇಜನ ತೋಜಿದಿಜ್ಜಂಡ್.
ಪೊಣ್ಣನ ಅಮ್ಮೆ ಇಲ್ಲಡಿಜ್ಜಂದಿಪ್ಪುನಗ ಬತ್ತಿನ ಮಂತ್ರವಾದಿ ಅಶೋಕ್ ಕುಮಾರ್ ಆಲೆಗ್ ಕುಲೆ ಪತ್ತ್‌ದ್ಂಡ್, ಕುಲೆನ್ ಅಂಚೆನೇ ಬೇತೆ ದುಷ್ಟಶಕ್ತಿಲೆನ್ ಗಿಡಪೆರ ಪೊಣ್ಣನ್ ಎನ್ನೊಟ್ಟುಗು ಕಡಪುಡ್ಲೆಂದ್ ಅಪ್ಪೆಡ ಪಂಡೊಂದೆ. ಬೊಕ್ಕ ಏರ್ಲಾ ಇಜ್ಜಂದಿ ಜಾಗ್‌ಗ್ ಲೆಸೊಂದು ಪೋದು ಅತ್ಯಾಚಾರ ಮಲ್ದೆ. ಈ ಇಸಯ ತೆರಿನೇ ಪೊಣ್ಣನ ಅಮ್ಮೆ ಕೊರ್ನ ಒಯಿಲ್‌ದ ಪಿರ್ಕಾರ ಆರೋಪಿನ್ ಪೋಲೀಸೆರ್ ಪತ್ತ್‌ದೆರ್.