Last updated on January 4th, 2023 at 02:22 pm
ಫೇಸ್ಬುಕ್ಕುಡು ಗುರ್ತದಾಂತಿನಾಯನ ಫ್ರೆಂಡ್ ರಿಕ್ವೆಸ್ಟ್ ಒತ್ತೊನ್ದು ತನ್ನ ಸ್ಕೂಟರ್ನ್ ಕಳೆಯೊಂದಿನ ಪೊಣ್ಣನ ನಡಕೆ ಮೈಸೂರುಡು ಬೊಲ್ಪುಗು ಬೈದ್ಂಡ್.
ರೋಹಿತ್ ಸಿಜೂರ್ ಪನ್ಪಿನ ಆನನ ಪುದರ್ ಡ್ ಡಿಸೆಂಬರ್ 19ಗು ಪೊಣ್ಣಗ್ ಫ್ರೆಂಡ್ ರಿಕ್ವೆಸ್ಟ್ ಬೈದಿತ್ತ್ಂಡ್’ಗೆ. ಪೊಣ್ಣು ಉಂದೆನ್ ಒತ್ತೊಂದು ಆಯನ್ ಉಲಯಿ ದೆತೊಂದಿತ್ತೊಲು. ಡಿಸೆಂಬರ್ 26ಕ್ಕ್ ಆನ್ ಅಲೆಗ್ ಕಾಲ್ ಮಲ್ತ್ ಸುಮಾರ್ ಪೊರ್ತು ಪಾತೆರ್ದೆಗೆ.
ಅಂಚೆನೆ ಡಿಸೆಂಬರ್ 28ಗು ಕುಡ ಕಾಲ್ ಮಲ್ತಿನ ಆನ್ ಪೊಣ್ಣಗ್ ನಂಬೊಲಿಗೆ ಬನ್ನಂಗೆ ಪಾತೆರ್ದೆ. ತನ್ಕ್ ಮಸ್ತ್ ಕಾಸ್ ಹೂಡಿಕೆದ ಪೊಲಬು ಉಂಡು ಈಲಾ ಕಾಸ್ ಹೂಡಿಕೆ ಮಲ್ಪು ಪನ್ದ್ ಒಪ್ಸಾದಿತ್ತೆ.
ಡಿಸೆಂಬರ್ 30ಗು ಪಡುವಾರಳ್ಳಿ ಸರ್ಕಲ್ದಲ್ಪ ಲೆತ್ತ್ ಒಂತೆ ಪಾತೆರ್ದೆ. ಅವೆರ್ದ್ ಬೊಕ್ಕ ಯಾನ್ ಬೈಕ್ ಸರ್ವಿಸ್ ಕೊರ್ತೆ ಎನನ್ ಮಣಿಪಾಲ ಜಂಕ್ಷನ್ ಡ್ ಬುಡ್ಲ ಪನ್ದ್ ಪೊಣ್ಣಡ ಕೇನೊಂದೆ. ಇಂಚ ಆಯೆ ಪೊಣ್ಣಡ ಸ್ಕೂಟಿ ದೆತೊಂದು ಮಣಿಪಾಲ ಜಂಕ್ಷನ್ ದಲ್ಪ ಬತ್ತ್ ಅಲೆನ್ ತಿರ್ತ್ ಜಪುಡಾದ್ ಆಲ್ ತೂವೊಂದಿತ್ತಿಲೆಕ್ಕನೇ ಗಾಡಿಡ್ ರಟ್ಟಿಯೆಗೆ.
ಪೊಣ್ಣು ಈ ಇಸಯೊಡು ಎನ್ ಆರ್ ಪೋಲೀಸ್ ಸ್ಟೇಷನ್ಡ್ ಒಯಿಲ್ ಕೊರ್ತೊಲು.