Last updated on January 5th, 2023 at 04:48 pm
ಕುಡ್ಲ: ಪಿ.ಎ ಇಂಜಿನಿಯರಿಂಗ್ ಕಾಲೇಜಿಡ್ NIA ಮಲ್ತಿನ ದಾಳಿಡ್ ಅಕೇರಿದ ವರ್ಸೊಡು ಕಲ್ತೊಂದಿತ್ತಿನ ಒಡಿಪು ಮೂಲೊದ ಒರಿ ವಿದ್ಯಾರ್ಥಿನ್ ವಶೊಕು ದೆತೊಂದೆರ್. NIA ಪತ್ತಿನ ವಿದ್ಯಾರ್ಥಿ ಒಡಿಪುದ ರಿಹಾನ್ ಶೇಖ್ ಪಂದ್ ತೆರಿದ್ ಬೈದ್ಂಡ್.
ಕುಡ್ಲದ ಕುಕ್ಕರ್ ಬಾಂಬ್‌ಗ್ ದುಂಬು ಶಿವಮೊಗ್ಗಡ್ ನಡತಿನ ಟ್ರಯಲ್ ಬ್ಲಾಸ್ಟ್ ಅಂಚೆನೇ ಬೇತೆ ಉಗ್ರ ಬೇಲೆಲೆನ ಪ್ರಕರಣೊಡು ಮಾಝ್ ಮುನೀರ್ ಪನ್ಪಿನಾಯನ್ ಕೈದ್ ಮಲ್ತ್‌ದ್ ಎಚ್ಚಿನ ಜಡ್ತೆ ಮಲ್ತೊಂದಿತ್ತೆರ್.
ಈ ಮಾಝ್ ಮುನೀರ್ ಪಿ.ಎ ಕಾಲೇಜಿಡ್ ಇಂಜಿನಿಯರಿಂಗ್ ಮಲ್ತೊಂದಿತ್ತೆ. ಬಲ್ಮಠೊಟು ಇತ್ತೊಂದು ಬೇತೆ ಬೇತೆ ಉಗ್ರ ಬೇಲೆಲೆನ್ ನಡಪಾವೊಂದಿತ್ತೆ. ಉ್ಂಬ್ಯನ ಒಟ್ಟುಗು ರಿಹಾನ್ ಶೇಖ್ ಇತ್ತಿನ ತೆರಿದ್ ಇನಿ ರಿಹಾನ್‌ನ್ ಅರೆಸ್ಟ್ ಮಲ್ದೆರ್.
ಬೆಂಗ್ಳೂರ್‌ರ್ದ್ ಬೈದಿನ ಏಳ್ ಜನ ಅಧಿಕಾರಿಲೆನ ಕೂಟ ಪಿ.ಎ. ಕಾಲೇಜಿಡ್ ಜಡ್ತೆ ಮಲ್ತೊಂದುಂಡು. ಕುಕ್ಕರ್ ಬ್ಲಾಸ್ಟ್‌ದ ಶಾರೀಕ್‌ಲಾ ಈ ಮನೀರ್‌ನ ಒಪ್ಪ ಇತ್ತೆ ಅಂಚೆನೇ ಮೊಕಲೆಗ್ ಐಸಿಸ್ ಉಗ್ರ ಸಂಘಟನೆದ ಸಂಬಂಧೊಲಾ ಇತ್ತ್ಂಡ್ ಪಂಡ್‌ದ್ ತೆರಿದ್‌ಬೈದ್ಂಡ್.