ನಳೀನ್ ಕುಮಾರ್ ಕಟೀಲ್ ಬಿಜೆಪಿದ ಜೋಕರ್ : ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್

Last updated on January 6th, 2023 at 08:56 am

ಬಿಜೆಪಿಡ್ ಜೋಕರ್ ಮಿನಿ ಏರಾಂಡಲ ಉಂಡುಡ ಅವ್ ಪಕ್ಷದ ರಾಜ್ಯಾಧ್ಯಕ್ಷೆ ನಳೀನ್ ಕುಮಾರ್ ಕಟೀಲ್. ಬಾಯಿಗ್ ಬತ್ತಿಲೆಕ್ಕ, ಜಬದಾರಿ ದಾಂತೆ ಪಾತೆರುನ ಅರೆನ ಪಾತೆರೊಗು ದುನ್ನನೇ ಇಜ್ಜಿ. ವಿದೂಷಕನ ಲೆಕ್ಕ ಪಾತೆರುನ ನಳೀನ್ ಕುಮಾರ್ ಕಟೀಲ್ ಗ್ ಕಾನೂನುದ ಬಗೆಟ್ ತೆರಿವು ಇಜ್ಜಿ ಪನ್ದ್ ಸಿದ್ದರಾಮಯ್ಯೆರ್ ಪಂಡೆರ್.

ಗುರುವಾರ ಕುಡ್ಲಗ್ ಬತ್ತಿನ ಸಿದ್ದರಾಮಯ್ಯೆರ್ ಕುದ್ರೋಳಿ ದೇಲಂತಡೆಕ್ ಪೋದು ಕೈ ಮುಗಿದ್ ಬೊಕ್ಕ ಮಾಧ್ಯಮಲೆನೊಟ್ಟುಗು ಪಾತೆರಿಯೆರ್. ಜೈಲ್ ಗ್ ಪಾಡುನು ನ್ಯಾಯಾಲಯ, ಬಿಜೆಪಿದಕುಲತ್ತ್. ಕೋರ್ಟ್ ವಿಚಾರಣೆ ಮಲ್ತ್ ತಪ್ಪಿತಸ್ಥೆ ಪನ್ದ್ ಆಂಡ ಮಾತ್ರ ಜೈಲ್ ಗ್ ಪಾಡುಂಡು. ಕಟೀಲ್ ಮೇರ್ ಕಾನೂನುದ ಬಗ್ಗೆ ಒಂತೆ ತೆರಿಯೊನೊಡು ಪನ್ದ್ ಪಂಡೆರ್.

ಸಿ.ಎಂ ಬೊಮ್ಮಾಯಿಗ್ ಯಾನ್ ಕೂಕುರುಲೆಕ್ಕ ಪನ್ದ್ ಪಂತಿಜಿ. ಮೋದಿನ ಎದುರು ಉಂತುದು ಪಾತೆರುನ ತಿಗಲೆ ಬೋಡು ಪನ್ದ್ ಪನ್ತೆ ಆತೇ. ರಾಜ್ಯೊಗು ಎಡ್ಡೆ ಆವೊಡು. ಕೇಂದ್ರದ ಎದುರು ದೈರ್ಯೊಡು ಉಂತುದು ಅನುದಾನ ಕನಪಿನ ತಂಕ ಬೋಡು. ನಾಯಿದ ಕಿನ್ನಿಲೆಕ್ಕ ಉಪ್ಪರೆ ಬಲ್ಲಿ ಪಂಡಿನೆಟ್ಟ್ ದಾದ ತಪ್ಪುಂಡು? ಪನ್ದ್ ಪಂಡೆರ್.