Last updated on January 6th, 2023 at 02:26 pm
ಭಟ್ಕಳ: ವೀಸಾ ನೇಮೊಲೆನ್ ಪೊಲ್ತಿನ ಪ್ರಕರಣೊಡು ಭಟ್ಕಳೊದ ದಂಪತಿಲೆಗ್ ಕರ್ಪಿಲ್ಲ ಶಿಕ್ಷೆ ಅಂಚೆನೇ ದಂಡ ಪಾಡ್ದ್ ಕಾರವಾರ ಜಿಲ್ಲಾ ನ್ಯಾಯಂತಡೆ ಆದೇಶ ಕೊರ್ತುಂಡು.
ಭಟ್ಕಳ ಪೇಂಟೆದ ಮೌಲಾನಾ ಆಜಾದ್ ಸಾದಿದ ಮಹ್ಮದ್ ಇಲಿಯಾಸ್ ಅಂಚೆನೇ ಪಾಕಿಸ್ತಾನೊದ ನಾಸಿರಾ ಪರ್ವೀನ್ ಶಿಕ್ಷೆ ಪಡೆತಿನ ದಂಪತಿಲು. ಇಲಿಯಾಸ್‌ಗ್ 10000/- ದಂಡದೊಟ್ಟು ಒಂಜಿ ತಿಂಗೊಲ್ದ ಕರ್ಪಿಲ್ಲ ಶಿಕ್ಷೆ, ಬೊಡೆದಿ ನಾಸಿರಾ ಪರ್ವೀನ್‌ಗ್ 10000/- ದಂಡದೊಟ್ಟು ಆಜಿ ತಿಂಗೊಲ್ದ ಕರ್ಪಿಲ್ಲ ಶಿಕ್ಷೆ ಕೊರ್ದು ನ್ಯಾಯಂತಡೆ ಆದೇಶ ಕೊರ್ತುಂಡು.
ಪಾಕಿಸ್ತಾನೊದ ಪೊಂಜೊವು ನಾಸಿರಾ ಭಟ್ಕಳೊದ ಮಹ್ಮದ್ ಇಲಿಯಾಸ್‌ನ್ ಮದಿಮೆ ಆದ್ ಪ್ರವಾಸಿ ವೀಸಾಡ್ ನಿಲೆಯಾದಿತ್ತೆರ್. ವೀಸಾದ ಪೊರ್ತು ಕರಿಂಡಲಾ ಪೋಲೀಸ್ ಸ್ಟೇಷನ್‌ಗ್ ತೆರಿಪಾವಂದೆ ನೇಮೊಲೆನ್ ಪೊಲ್ತ್‌ದ್ ಕಂಡನಿ-ಬೊಡೆದಿ ದೆಲ್ಲಿಗ್ ಪೋವೊಂದಿತ್ತೆರ್. ಭಟ್ಕಳ ಪೋಲೀಸ್ ಸ್ಟೇಷನ್‌ಡ್ ಪ್ರಕರಣ ದಾಕಲಾದ್, ವಾದ-ಎದ್‌ರ್‌ವಾದೊಲೆನ ಕೇನ್ದ್ ನ್ಯಾಯಂತಡೆ ಈ ಆದೇಶ ಕೊರ್ತುಂಡು.