ಕುಡ್ಲ ಜಿಲ್ಲೆಡ್ ಏತ್ ಜನ ಓಟು ಪಾಡುನಕುಲು ಉಲ್ಲೆರ್, ವಿಧಾನಸಭಾ ಕ್ಷೇತ್ರೊಲೆನ ಪರಿಸ್ಥಿತಿ ದಾದ ಪನ್ದ್ ತೆರಿಯೊನರೆ ಓದುಲೆ!

Last updated on January 7th, 2023 at 01:59 pm

ತುಳುನಾಡ್’ದ ಕುಡ್ಲ ಜಿಲ್ಲೆಡ್ ಒಟ್ಟು 8 ವಿಧಾನಸಭಾ ಕ್ಷೇತ್ರೊಲು ಉಲ್ಲ. ಅಂಚೆನೆ 1850 ಚುನಾವಣಾ ಮತಗಟ್ಟೆಲು ಉಲ್ಲ. ಕುಡ್ಲ ಜಿಲ್ಲೆಡ್ 17.37 ಲಕ್ಷ ಜನ ವೋಟು ಪಾಡುನಕುಲು ಉಲ್ಲೆರ್ ಪನ್ದ್ ಇಂಚಪ್ಪೊಗು ನಡತಿನ ಪೊಸ ಚುನಾವಣಾ ಪಟ್ಟಿರ್ದ್ ತೆರಿದ್ ಬೈದ್ಂಡ್.

17.37 ಲಕ್ಷ ವೋಟು ಪಾಡುನಕಲೆಡ್ 8.5 ಲಕ್ಷ ಅಂಜೊವುನಕುಲು ಬೊಕ್ಕ 8.87 ಲಕ್ಷ ಪೊಂಜೊವುಲು ಉಲ್ಲೆರ್. ವೋಟು ಪಾಡುನ ಪೊಂಜೊವುಲೆನ ಅಂಕೆ ಜಾಸ್ತಿ ಉಂಡು. 76 ಜನ ತೃತೀಯಲಿಂಗಿಲು ಉಲ್ಲೆರ್.

ಬಡಕಾಯಿ ಕುಡ್ಲ ವಿಧಾನಸಭಾ ಕ್ಷೇತ್ರೊಡು ಮಾತೆರ್ದ್ ಜಾಸ್ತಿ ಪಂಡ 2.42 ಲಕ್ಷ ವೋಟರ್ ಉಲ್ಲೆರ್. ತೆನ್ಕಾಯಿ ಕುಡ್ಲ ಕ್ಷೇತ್ರೊಡು 2.39 ಲಕ್ಷ, ಬಂಟ್ವಾಳಡ್ 2.22 ಲಕ್ಷ, ಬೊಲ್ತೇರ್’ಡ್ 2.22 ಲಕ್ಷ, ಪುತ್ತೂರುಡು 2.08 ಲಕ್ಷ, ಸುಳ್ಯಡ್ 2.01 ಲಕ್ಷ, ಮುಲ್ಕೆ-ಬೆದ್ರ ಬೊಕ್ಕ ಕುಡ್ಲಡ್ 2 ಲಕ್ಷ ಉಲ್ಲೆರ್.

ಆನುಲೆರ್ದ್ ಪೊಣ್ಣುಲೆನ ಅನುಪಾತ ತೆನ್ಕಾಯಿ ಕುಡ್ಲಡ್ ಹೆಚ್ಚ ಉಂಡು. ಮುಲ್ಪ 1000 ಆನುಲೆಗ್ 1091 ಪೊಣ್ಣುಲು ಉಲ್ಲೆರ್. ಅವ್ ಬುಡುಂಡ ಮುಲ್ಕೆ-ಬೆದ್ರಡ್ 1070, ಬಡಕಾಯಿ ಕುಡ್ಲಡ್ 1061, ಕುಡ್ಲಡ್ 1036, ಬಂಟ್ವಾಳಡ್ 1032, ಪುತ್ತೂರುಡು 1024, ಸುಳ್ಯಡ್ 1019 ಬೊಕ್ಕ ಬೊಲ್ತೇರ್ ಡ್ 1008 ಉಂಡು.